Umqasa bewulele ngaphasi komuthi wamahabhula. Ihabhua lawela phasi lisuka etakeni.

Ilizwi lathi, "Baleka mqasa baleka!"

Waphaphama masinyana bewabaleka ngebelo elikhulu.

Wahlangana nesikhukhukazi.

"Ugijimela ini?" kubuza isikhukhukazi. Umqasa waphendula, "Angazi. Ngizwe into ikhithikela phasi bekwaba nelizwi elithi, 'Baleka mqasa baleka!'"

Isikhukhukazi sathukwa. Sathoma ukugijima lokhu okutjhiwo mqasa.

Bahlangana nenja.

Inja yabuza, "Kubayini nigijima?" Isikhukhukazi sathi, "Angazi. Ngizwe lokho okuthjiwe mqasa, umqasa uthe awazi. Uzwe into ikhithikela phasi bekwaba nelizwi elithi, 'Baleka mqasa baleka!'"

Inja yamangala ngalokho ekuzwako. Yathoma yagijima nomqasa nesikhukhukazi.

Bahlangana nepera.

Ipera yabuza inja, "Nigijimela ini?" Inja yathi, "Angazi. Ngizwe lokhu okutjhiwe sikhukhukazi, isikhukhukazi naso asazi. Sizwe lokho okutjhiwe mqasa nawo awazi. Uzwe into ikhithikela phasi bekwaba nelizwi elithi, 'Baleka mqasa baleka!'"

Ipera yathoma yagijima nabanye.

Bahlangana nodumbana.

Udumbana wabuza, "Kubayini nigijima?" Ipera yaphendula, "Angazi. Ngizwe lokho okutjhiwe yinja, inja nayo ayazi. Izwe okutjhiwe sikhukhukazi naso asazi. Isikhukhukazi naso sizwe okutjhiwe mqasa. Umqasa uzwe into ikhithikela phasi bekwaba nelizwi elithi, 'Baleka mqasa baleka!'"

Nodumbana naye wathoma ukugijima.

Bahlangana nekomo.

Ikomo yabuza, "Kubayini nigijima?" Udumbana waphendula, "Angazi. Ngizwe okutjhiwe yipera, ipera nayo ayazi. Izwe okutjhiwe yinja, nenja nayo ayazi. Izwe okutjhiwe sikhukhukazi, isikhukhukazi naso asazi. Isikhukhukazi sizwe okutjhiwe mqasa. Umqasa uzwe into ikhithikela phasi bekwaba nelizwi elithi, 'Baleka mqasa baleka!'"

Ikomo itshwenyekile nayo yathoma ukugijima.

Bahlangana nokatsu.

Ukatsu wabuza. "Kubayini nigijima?" Ikomo yaphendula, "Angazi, ngizwe nje lokho okutjhiwe ngudumbana, udumbana naye akazi uzwe okutjhiwe yipera, ipera nayo ayazi izwe okutijhwe yinja, inja nayo ayazi. Izwe okutjhiwe sikhukhukazi, isikhukhukazi naso asazi. Sizwe okutjhiwe mqasa. Umqasa uzwe into ikhithikela phasi bekwaba nelizwi elithi, 'Baleka mqasa baleka!'"

Ukatsu naye wathoma wagijima nezinye iimbandana.

Babese bahlangana nomsana akhwele itsikiri.

Wababuza, "Kubayini nigijima?" Iimbandana zaphendula, "Asazi. Sizwe okutjhiwe mqasa, umqasa nawo awazi. Umqasa uzwe into ikhithikela phasi bekwaba nelizwi elithi, 'Baleka mqasa baleka!'"

Umsana wahleka wathi, "Ihabhula likhithikele phasi ngombana bekunommoya.

Ngimi engithe, 'Baleka mqasa baleka!'"