Ho ne ho nale moshemane ya bitswang Sipho. O ne a dula le nkgono wa hae motseng o mong.

Sipho o ne a na le motswalle ya bitswang Thabo.

Sipho le Thabo ba ne ba rata bolo haholo.

Bane ba dula ba bapala bolo ka mehla ha ba tswa sekolong.

Nkgono wa Sipho o ne a na le serapana se setle sa meroho.

Nkgono o ne a dula a jwetsa bashemane hore ba dule ba etsa bonnete ba hore ba kwala heke ka mehla.

Ba ne ba raha bolo haholo ya wela ka serapaneng sa nkgono.

Ka le leng la matsatsi ha ba ntse ba bapala, bolo ya wela ka serapeng sa nkgono. Ba ile ba e lata jwalo ka mehla.

Kgetlong lena yaba ba lebala ho kwala heke.

Podi e ile ya kena ka serapeng sa nkgono ya ja meroho kaofela.

Motsheare wa mantsiboya, nkgono a ya serapaneng sa hae alo kga moroho ho lokisetsa dijo tsa mantsiboya.

Nkgono o ile a thola heke e bulehile kaofela, moroho ole siyo.

"Bashemane ba entseng?" Ho botsa nkgono.

"Sipho!" o ile a hweletsa ka lentswe le thothomelang.

"Ho etsahalang ka moroho waka?" nkgono a botsa.

Sipho o ne a tshohile haholo ebile a sa kgone ho bua. Itse ha ntse a eme le nkgono wa hae Thabo a fihla.

"Thabo, wa tseba hore ho etsahalang ka moroho waka?" nkgono a botsa.

"Tjhe, nkgono ha ke tsebe hore ho etsahetseng ka moroho," Thabo a araba.

"Lona bashemane na le a tseba hore ne le tlohetse heke e bulehile? Ke le jwetsitse hore le seke la bula heke."

"Tjhe nkgono!" ho araba bashemane ka ntswe lele leng.

Ka bobedi ba bona ba ile ba qala ho ngangisana.

Yaba nkgono wa ba utlwa ha ba ntse ba ngangisana a ba bitsa.

Nkgono a ba botsa hore ba ngangisana ka eng.

Ba ile ba jwetsa nkgono nnete ka se etsahetseng ka moroho.

Ba ile ba jwetsa nkgono hore ke bona ba neng ba tlohetse heke e butswe.

Ba ile ba kopa tshwarelo.

Nkgono o ne a le mosa haholo. Ka lentswe le fatshe a re, "Ke a tshepa hore lona bashemane le ithutile hore leseke la hlola le tlohela heke le e butse hape."