Eila enho waliwo
omusaadha eyaloghoza nti abavubuka baali bagezi inho
okughula ku bakaile baibwe. Ela ye yepankila kumukazi ghe. Yamukoba nti “ndi
mugezi okusinga ku latagho.” Ela omukazi yamughakanhia aye ela omuvubuka ono
tiyawulilisa mukazi ghe.

Bwakya lulala omukazi yagya okubonaku
bakailebe, yakobelaku lataghe engeli mukoilime ghe gyeyeta okuba omugezi
okusinga lataghe olwokuba ye muto totoo

Ela musadha ghe ya musindika aileyo eghaibwe
akobe lataghe “amuyikize ekyokunwa ekikoleibwa okuva mu muuka” ela awo nda
kukakasa lata anzalila omukazi nti mubutufu ndi mugezi inho, “ela
yaseka nga bwakudala nga akyidhi nti ezila
muntu asobola kola mwenge okuva mu muuka.

Lata ghe azala mukazi ghe yaseka nga bwakudala
nga idhi nti ezila asobola kuyisa mwenge kuva mu muuka. Ela omukaile ono
yatuma mughalaghe aileyo nobubaka nti aikiliza okusomozebwa kwo kuyiisa
omwenge okuva mu muuka aye ela yena yatagho embela nti bwegunaba nga guyiile,
alina ogunona talina kuba musadha oba mukazi.

Omuko iba gho omughala yeyagana nga ali mukatego.
Ela okuva mukasela ako, yaikiliza mundogela ye kyikaile ekoba nti “Amabega
tigalisobola kula okuswiika ku mutwe"