UKhabo ulele phasi emadeni. Unina umtjela enye yeendatjana azithandako. Indatjana le imayelana nabomma bendaweni yekhabo, abaziwa eendaweni ezikude ngemisebenzi yabo emihle yezandla.

Isipho esiqakatheke khulu sakaKhabo bekumseme wokulala onemibala emihle ekhanyako. Umseme awenzelwa ngugogo wakhe ngelanga lakhe lamabeletho leminyaka eli-10.

Lokha uKhabo nakavukako, unina uthatha umseme awuphuthele ayowubeka. "Awa mma ingasi nje akhe sibukele imibala nemigwalo yemibala emihle," kubawa uKhabo.

UKhabo utjho imibala ngamareyi ukusukela kophezulu ukuya kophasi. "Pinki, pinki, hlaza satjani, hlaza satjani, hlaza sasibhakabhaka, hlaza sasibhakabhaka, pinki, pinki, hlaza satjani, hlaza satjani."

Ungakhomba lapho kutjhuguluka khona iphethini?

UKhabo wathabulula woke amahlangothi womseme. Imigwalo eminengi beyinobujamo berekthengele, neenkwere ezimbalwa hlangana nabo.

"Nginendlela elula yokusebenza ukubona bonyana kunobujamo obungaki nasele buboke. Akutlhogeki bonyana ubale ubujamo ngabunye kodwana ubala inani kelinye nelinye ireyi!"

Uyazi bonyana uKhabo uwabala bunjani amajamo? Mangaki nasele awoke?

UKhabo unomunye umseme omncani awusebenzisela ukuhlala lokha nakahlezi ngaphandle ehlabathini.

Lo umseme unobujama bamarekthengele kwaphela, awunazo iinkwere. Kungaba marekthengele amangaki ambozwa mzimba kaKhabo?

Kungaba marekthengele amangaki ambozwa mzimba kaKhabo? Ungasebenzisa indlela elula kaKhabo yokubala bonyana mangaki amarekthengele nasele awoke?

Ngelinye ilanga ekuseni uKhabo bekayokuvakatjhela ugogo wakhe. Emlanjeni wabona abomma abathathu bayokukha amanzi. Bebathwele imijeka emikhulu eenhloko zabo.

Bekazibuza bonyana umjeka ngamunye unamalitha amangaki. Ucabanga bonyana mangaki?

Ngemva kokukhamba ibangana elide, uKhabo wafika kwagogo wakhe. "Ufike kuhle Khabo!" Ufike ngesikhathi sokuthi ubone umjeka wami engiqeda ukuwugwala. Ucabanga ini ngawo?

"Ngithanda imibala yawo gogo! Kodwana amajamo wawo akhaliphile!"

Ingabe ungayikopulula bunjani wena?

UKhabo nakasendleleni ebuyela ekhaya, wazizwa adinwe khulu wahlala phasi emthunzini ngaphasi komuthi.

Waqala amakari akhabe asematakeni womuthi phezulu agidagida. Bekunamaphetheni welanga nomthunzi kiyo yoke indawo ebeyiseduze naye. Ngokurhabako walala ubuthongo obukhulu.

Lokha nakavukako wazizwa athukiwe. Walangazelela ukuba sekhabo, nonina, aphumule emsemeni wakhe omuhle.

Ngesikhatjhana esincani inyonyana encani ehlaza sasibhakabhaka yahlala emthini. "Lotjha Khabo! Ulahlekile na? Ngilandela! Ngizokusiza ukuthola indlela eya ekhaya!"

"Inyoni ekwazi ukukhuluma begodu yazi negama lami! Ngiyathemba izongisiza ukubuyela ekhaya!" kucabanga uKhabo.

UKhabo walandela inyoni. Koke kwakhamba kuhle bebafika endleleni ehlukana kabili enye iya ngesandleni sesincele enye iya ngesandleni sokudla. Ngiyiphi indlela okufanele akhambe ngayo?

Waqala phezulu. Kungenzeka? Inyoni beyiphethe imseme wakhe ngomlomo wayo.

Yaphephezelisela umseme ngesandleni sokudla ukumtjengisa kobana yindlela azoyilandela. Inyoni yabese ilahla umseme yaphapha yakhamba.

UKhabo walandela indlela eyehlelako ebeyi mazombezombe.

Ngaso leso isikhathi wezwa ukuhleka okukhulu nokuvuma kwabomma bendawo.

Khona lapho bekukhona nonina bebagida bamomotheka, boke bebathabele bonyana uKhabo ubuyile ekhaya.

Unina likaKhabo wathabulula umseme wakhe ukuze ahlale phezu kwawo, wamnikela isobho lamabhontjisi elitjhisako ukuze adle.

UKhabo wathoma ukubala iinkwere ukuqinisekisa kobana zoke zisesekhona. Ngesikhathi nakabalako waba nesiqiniseko sokobana ubona umseme owathathwako bewabuyiswa godu.

Ngalokho bekungasilo ibhudango! Inyonyana encani ehlaza sasibhakabhaka beyikhona.