Eira, eira eino, Musana, Mweszi, Maadhi ni Mpewo baali balwanagana inho.

Ekizibu kyali kiti, Musana yayendanga
okumasamasa olunaku lwonalwona. Mwezi yaayenda okumasamasa oti itaala lya buli kanaku. Maadhi iye yayendanga kutoonha buli lunaku, ate Mpewo yaayenda okukunta buli lunaku. Baali nga tibenda kwegha biseera.

Baasalawo okutyama ghalala baakyogereku. Musana yaabuuza Mwezi, "Okola ki iwe ekiyamba ensi?" Mwezi yairamu ati, "Ndhaka obwire bwonabwona, ebisolo bisobole okuyiiga."

Mwezi yaabuuza Maadhi, "Okola ki iwe ekiyamba ensi?" Maadhi yairamu ati, "Nnhwesa ensi amaadhi emiti ne ebisimbe byasobola okukula obulungi. Bwengwa ebisolo biinhwa byalama."

Maadhi yaabuuza Mpewo ati, "Iwe okola ki ekiyamba ensi?" Mpewo yairamu ati, "Ndheya ensi yaafuuka nnhondo. Mmansamansa Maadhi ku nsi yonayona."

Mpewo yaabuza Musana ati, "Okola ki iwe ekiyamba ensi?" Musana yairamu ati, "Nnhwa ensi naagigha ne ekisuusu, ebisolo ne ebisembe bibeewo."

Musana, Mwezi, Maadhi ni Mpewo beewulirisa bulungi.

Musana yaakoba ati, "Kituufu nti buli mulala ku ife ayamba ensi mu ngeri yandhaghulo." "Neekyo," Mwezi bweyakoba. "Ti mulala ku ife naasinga abandi." "Tosobola kukola walala," Amaadhi bwe gaakoba, "Tugabane enaku." Bwe baasalawo.

Kyova olwisi obona Mwezi nga Musana ali kuyaka. Ate olwisi owulira Mpewo nga Maadhi ali kutoonha. Musana, Mwezi, Maadhi ni Mpewo bakola bulungi nga bategeeragana.

"Iwe oyenda Musana, Mwezi, Maadhi oba Mpewo? Koba kyosinga kwenda." Nkubuuza!

Twenda ensi tusobole okubaawo. Batuwa emmere ne ekisiikirize, ebisolo ne ebisimbe. Byonabyona bituyamba mu ngeri yaabyo. Mu kwiriza tokola bitasobola kuyamba nsi yaife. Oja kukola ki okuyamba ensi yaife? Kighandiike okulamba ghansi.