Kaju bero, ngaji
kude imangani Laga aworito,
kara kilo ku, kepo, Muki, Anyole ku Babu

Kara kenda Lobule puremari sukulu

Ngaji kilo ‘duu woro
I sukulu yuk u mago.

Mulunga kilo, kara tototo
I bange na jujumbuna katani igbonaga kara yinga mago ina.

Lunga le’de gele,
kilo ngaji de a utu I suu ne’de naga
laganga lungu adi komendaku

Akayo naga, kara yenga kara duga
meda a’bugo ti le’de ngutu
laga a’delaki I nyakale kata. Arumbo ku a’bu’busi

Ngaji kilo duga jonya
adi hahahaha. Indikiningana, ina mago de I wawangi tuwalo.

Kara giri awoke I ‘yewunda na a’bugo
kilo i melo.

Ibange naga kara
kilo meme’yu a’bugo kilo,
money a’bugolo duga yeyengunda. Kara duga apoki I kikira. Maratelo duga pija kara adi,
ngalo tikinda ta kilo a’bugo de?

Ngaji kilo duga wowoke
I’dana. Idoru katayu, kara adi, kulia, yola
ku jonya ti gbo’di ‘bayi inide.

Monye a’bugo lo duga
‘bido ndululu adi, wululululuuu kola ku’de lo woo kilo

Ngaji kilo duga momoka,
kara ajongaji I sukulu yu. Duga kayungolo,
ngaji ti sukulu ku katogolo kilo giri lunge

Ngaji kilo duga giri
atiki ringe, kara gele gele
akpinya kelito mere gele gele. Ngaji
kilo alulujo ‘beri koru.