Agho olwatuuka, yabaayo amaka agaali mu kyalo kye baayetanga Emalati. Mu maka gano mwalimu abaana abobughala babiri. Omughala omuto, eyayetebwanga Tito Kiti, ne eyali omudingu owa latawe.

Lwali lulala, Tito yaaja okwogeraku ni ise. "Nona amata ago omwana, ali nhonta." Bwe yakoba inhaibwe.

Tito Kiti yaakobera ise ekya mwaninha omukulu kye yali akoze. "Naipeyi alumwike ni Moraani Masayi. Bagiire mu mpuku edhili okumpi agho."

Agho, mu mpuku, Naipeyi yaabona Moraani nga ali kugeedhuluka buli kanaku. Yaasalagho okunoonerezaku kyeyali alya.

Naipeyi yaayemba olwembo yaabuuza Moraani kiki kye abaire alya. Morani tiyayenda kwiramu kibuuzo kye. Atyo yaayemba mu lulimi lwe ati, "Lomurrani ele kainyooshi iyie inko. Pee itabainji, nibayu anaa osirua lenkop nalio?"

Ekikoba kiti, "Oyo ne eyali atwaire enume ya bbaabba!"

Okwirayo eka, abomumaka aga Naipeyi baali beelalikirivu era baasoberwa. Baali babuliirwaku ente yaibwe enume esinga bubba. Era ni mughala waibwe omukulu yali apaire okuva ghaka.

Tito Kiti yaakoba bazaire be ati, "Ndidha kubayambaku Naipeyi asobole okwira ghaka. Ndidha kugheereza banange." Abazairebe baamulingirira baamubuuza bati, "Baino ki booli kwogeraku?"

Tito Kiti yaakuba mu ngalodhe era akanhonhi akatono kaaguluka okuva mu muti. Yaatuma akanhonhi kano kaje kakobere Naipeyi kati inhina mulwaire.

Akanhonhi kaagulukira ghala ghaigulu aghe emiti emingi, era kaagwa ku mulyango gwe empuku embba. Naipeyi yaava mu mpuku bwe yaghulira olwembo olwa akanhonhi kano.
Naipeyi yaalumuka okwirayo eka bwe yaghulira amaghuliro gano.

Bwe yatuuka ghaka, yaakoba bazairebe ati, "gundi ne eyali atwaire ente yaibwe enume." Ise yaamwebaza, era yaasalagho okunoonia Moraani eyamwibaku ente.