Eira eira einho Musana, Mwezi, Nkuba ni Mpewo bali balwanagana.

Ekizibu kyali kiti: Musana yayenda okumasamasa olunaku lwonalwona. Mwezi yayenda okumasasa buli lunaku. Nkuba yayenda okutoonha buli lunaku. Ni Mpewo yayenda kukunta buli lunaku. Nga tibenda kwewa kiseera naire.

Baasalawo okutyama waalala baakyogeraku. Musana yaabuuza Mwezi, "Okola ki ekiyamba Wansi?" Mwezi yairamu, "Mmasamasa obwire bwonabwona ebisolo bisobole okweyiigira."

Mwezi yaabuuza Nkuba, "Okola ki ekiyamba Wansi?" Nkuba yairamu, "Nhwesa Wansi amaadhi, emiti ne ebisimbe bisobole okukula bulungi. Nhwa amaadhi ebisolo binhwe."

Nkuba yaabuuza Mpewo, "Okola ki ekiyamba Wansi?" Mpewo yairamu, "Ndheya Wansi okufuuka enhondo. Mmasamansa Nkuba Wansi yenayeena."

Mpewo yaabuuza Musana, "Okola ki ekiyamba Wansi?" Musana yairamu, "Nhwa Wansi ekitangaala ne ekisuusu, ebisolo ne ebisimbe bibeewo."

Musana, Mwezi, Nkuba ni Mpewo beewuulirisa bulungi.

Musana yaakoba, "Kituufu buli muntu ayamba Wansi bubwe." Mwezi yaakoba, "Timulala asinga abandi."
"Tusobola okukolera walala," Nkuba bwe yakoba. "Tugabane ebiseera." Batyo bwe baasalawo.

Kyova lwisi tubona Mwezi nga Musana ali kuyaka. Ate olwisi tuwulira Mpewo nga Nkuba ali kutoonha. Musana, Mwezi, Nkuba ni Mpewo bakola bulungi ghalala bwe beetegera.

Oyenda Musana, Mwezi, Nkuba oba Mpewo? Koba ky'osinga kwenda.

Twenda Wansi atubeeka. Atuwa emere ne ekisikirize, ne ebisimbe. Mu kwiriza tukola buli kyetusobola okuyamba Wansi waife. Oja kukola ki okuyamba Wansi waife? Kiwandiike nga ekilaamo kyo.