Eboyete kolong Magezi ka Kasira aapei. Amorete akimuj.

Tama Magezi, "Ibwa etata aapei loger lokimujia aapei."

Tama elimokini Kasira, "Tokuto yong, dio ayong atodupak ng’ibeku."

Tama nabo, "Kitaki yong, atochuda ayong ng’inya."

Ani ekokete ng’akima, tama Kasira loche kape tolem luakoko.

Tama Magezi nabo, "Tolem yong, ewaakini ayong lodula."

Akalanyana Magezi. Nakaneni abu Kasira ng’esi naki ng’akima epewe.

Tolema Magezi ng'akima, tolot kiriamun ka akukut.

Tonyam akukut ng’akima ng’una. Dio nak Magezi abeye.

Kiriamun Magezi ka ng’ide. Tobwang’a abeye.

Nakis ng’ide Magezi amaembet.

Kiriamun nabo ka ikeny. Tanyam ng’ini amaembet nak ng’esi akopiro.

Kiwokosi ng'itoroi anam akopiro, nakis ng'esi ng'akipi.

Abu ng’esi kitudung’io ng’akipi ng’una akim ang’atotol.

Nakinae ng’esi aep nayepet.

Kiriamunos ka ng’ikayang’ak dio topoko aep.

Nakinae Magezi akou emong ka ekosim.

Kirema ebala, "Ipokit emong ekapolon alochoto!"

Todolut ng’itung’a aking’arakin. Tama Magezi, "Kiriutu akou ka ekosim."

Tolimok ng’itung’a tama, "Nakinae ng’atuk aina ekapolon."