Achakun kolong echokit ekitoe kwap ni aperio Apoo.

Abu Apoo kiira etoil lo abala, "Kipung’ar, kipung’ar!"

Tama Apoo Ekukut, "Abe achakun bo ibore, tama etoil kipungar!"

Kipung’ar Ekukut na eirarea Apoo ebala neni.

Tolimokis Ing’ok tamasi, "Abu Apoo kipung’ar na eirarea ibore echakun."

Kipung’ar Ing’ok dae kiwapak Apoo ka Ekukut.

Tolimok Ing’ok Aparas, "Eirari Apoo ibore echakun dio kipungar."

Kipung’ar Aparas dae kiwapak kechi.

King’itakin Esikiria, "Inyo kireng’it eesi?" Tama Aparas, "Nyayeni ayong."

Kiwapaki Esikiria dae ajore kipung’ar.

Tolimok Esikiria Aite, "Be eirari Apoo ibore echakun dio kipung’ar."

Tobul Aite noi dio ng’esi dae kipung’ar.

Kisisak Aite Ipaka tama, "Eirari Apoo ibore echakun dio kipung’ar."

Dio Ipaka dae kipung’ar kiwapak akerit.

Kiriamunos ka Edia.

"Nyiyeni yong na asubakinosi a?" king’is ng’esi.

"Abe ayong bo abala Apoo kipung’ar!" tokieni edia tong’edar.