Erikae kolong Epeot lo anyamit akoro.

Kirita nacheleru alokwap ataaba.

Ani ekuri Epeot ng’alup, toukokin ataaba lomoyo keng.

Abu Apoo kiira Epeot enyara, tolot aanyun.

Tachamu Apoo ayiun Epeot ng’olo.

Abala Epeot ainakini ng'esi akimuj.

Kijuka ng’esi ataaba kileleo tachadar alomoyo Epeot.

King’itakin Apoo atachanot, nakaneni togirakin Epeot akinyam ng’esi!

Toriamut kechi ekasukout lo adikino etiaki ekwor ng’olo.

Tasak Epeot nabo akinyam tani ekasukout ng’olo.

Tama ekasukout, "Kimiek mono eng’olik ataaba ering’a nyetiakuna."

Torikosi Epeot ka Apoo ekasukout ng'olo nitete ayei ataaba.

Kisisau Epeot eger lo atikio ng’esi ataaba.

Tama ekasukout Apoo kidodikinae eger lo ijukaria yong amoru.

Kijuka Apoo ataaba todol niatikio ng’imoyo Epeot nabo.

Tama ekasukout, "Etemokin tokona, potu atoloto nawiyei."

Torotokis ekile ka Apoo kimiekis Epeot kaneni.