Ahale hale Musiho ni Malwa bamenyire ŋalala nga bagabananga ebiryo.

Musiho galoma ati, "Hola hulimire ŋalala mukola eyi hulyamo ŋalala."

Musiho galoma Malwa ati, "Ewe lima, ese ndihoma."

Musiho galoma Malwa ati, "Ewe homa, ese ndyaaga."

Obule ni walabire, Malwa galomba Musiho ahungule.

Musiho galoma ati, "Ewe hungula, ese ndiwunga mu hyagi."

Musiho gali mudoto, nolw'ehyo Malwa gamuŋaaye olugala lw'olule lulala.

Musiho ganaaŋa olugala lw'olule.

Olufanyuma, gaganaana n'engoho.

Engoho yaliiye olule lwosilwosi nga yimuŋamo egi.

Musiho gaganaana n'abaana.

Abaana abo bamwadisaho egi.

Abaana bahena baŋa Musiho omuyembe.

Musiho gaganaana ni Kasuku nga Kasuku alya omuyembe ng'amuŋamo olwooya.

Olwabi lwaŋira olwooya nga lumuŋamo amaaji.

Musiho gatambisa amaaji ohusimya omuliro mu mayiga.

Amayiga gaŋa musiho embasa.

Musiho gaganaana abatemitemi b'enyama nga babbwaga embasa.

Musiho gabbaha omutwe n'ameega g'ebuunwa. Bona ehi Musiho gahola!

Musiho ng'alangirira ati, "Ebuunwa ya habaha eteŋeeme mu madosi."

Abehyalo ni bajire ohuyeda gabaloma ati, "Muŋalule omuhira n'omutwe."

Musiho galoma ab'ehyalo ati, "Muupe eŋombe jenywe pirire habaha."