Ebiseera ebyeira enho, mu kyalo Bulyanhiko, yaliyo omusaadha ayetebwa Ndooga ni mukaziwe ayetebwa Namukwana. Baali na abaana mukaaga. Bonaboona baali ba bughala.

Namukwana bwe yafuna amabunda ago omwana we owomusanvu, Ndooga yaamulabula, "Singa ozala omwana owobughala owundi, ndidha kukuleka. Aye singa ozaala owobulenzi, ndidha kukukolera akabaga!"

Bwe kyatuuka ekiseera ekyokuzaala, Namukwana yaja wa muzaalira owe kinansi. "Omwana anaaba wa bughala oba wa bulenzi?" atyo bwe yeebuuza.

Yali wa bughala na wa bulenzi - balong! Yaayeta omulenzi Mukwano, ate omughala yamweta Mulongo. Bwe yalingirira Mukwano, yaaba musanhufu inho. Aye bwe yalingirira Mulongo, yaaghulira enaku. Ghaligho kintu kilala kyonka kyeyali asobola okukola.

Namukwana yaleka Mulongo mu mikono gyo omuzaalisa era yatwala Mukwano eka ye iba.

Yalaga Ndooga omwana owobulenzi neisanhu. Yaaba musanhufu inho era yaayeta abanakyalo okudhaguza no okusagamba olwo omwana owobulenzi.

Mukwano yaakula yaafuuka mulenzi mukalamu. Era ni Mulongo yaakula yaafuuka omughala omulungi.

Lwali lulala, nga ali kwaya ente dha ise, Mukwano yaabona omughala omulungi ekimyula. "Ono no omughala yennhenda okufumbirwa," atyo bwe yekoba.

Aye bwe yasaba amufumbirwe, yaayemba olwembo luno: Mukwano gwaife, ghaligho eyakoba, Mukwano, Singa azaala owobughala, Mukwano, aidha kwitibwa, Mukwano, Singa azaala owobulenzi, Mukwano, Baidha kumuleeta ghaka, Mukwano, Ente embedde eidha kwitibwa, Mukwano, era no owundi, Mukwano.

Kino kyabaagho milundi na milundi. Mukwano tiyamanha kiki ekyokukola, kale yakoberaku inhina, "Ndhagaine omughala omulungi. Nnhenda kumufumbirwa, aye buli bwe mmusaba, ayemba lwembo no olulala olwo."

Ekyamweghunisa, inhina yamukoba, "Omughala kyali kwemba kituufu. Oyo mwanhoko. Mwazaalibwa balongo. Latawo yayemda mwana wa bulenzi, ti mwana wa bughala. Kale naaleka mwanhoko omuto no omuzaalisa era naakuleeta eka ye latawo."

Mukwano bwe yakobera ise ebibono bino, yaakitegeera ati yali mukyamu. Yaayeta namukwaya era bombi baaja eyo omuzaalisa okunona Mulongo.

Mulongo bwe yatuuka ghaka, latawe na abanakyalo baita embuzi. Baakola emikolo egyekinansi okutabagania Mulongo ni bake be omusanvu.

Oluvainhuma olwo omwaka, Mulongo yaafumbirwa mutabane owo omwami omugaiga owe ekyalo ekyo. Yaaleeta obugaiga bungi ne eisanhu mu maka ge.