Amara oyido ja oro abuŋwen. Go okadho ka fonjirok ma i lwoŋo ni Kerema. Go oyido omaro miti ŋeyo kwoŋ dhu agem, sayanse, kodi soshol stade.

Go oyido mito bedo mulambuzi ka odongo. Amara omaro ogwange swa.

Bamere Amara otho munyo go ja oro abic. Yoki mere oyido ilwoŋo ni Nyajuria. Go oyido obedo dhako ma ni gi kineni itici ma ndelo.

Munyo Amara fodi ku cako kidho ka fonjirok, oyido kuro dyel ma gumo. Oyido lwowo dyel pere no kama lum oloth iye. Miyo go pi m'olony aka pedho ri go lum ma yom ama nindo iye. Dyel no oyido olony swa.

Amara oyido bende nitye gi gwok pere ma ilwoŋo ni Ogero. Oyido omaro tuko gi gwok no. Yokimere oyeyo go kuro gwok kad oyido ku maro gwokere tektek. Kisi ka Ogero ocando go, oyido koko rigo ni, "Ngoye ka mafwodi aki miyo waŋan gi yawo!" Amara waco ameno ka onyo winjo marac swa.

I mukaga acel, jo bedo gi wendo ma juwok i kitipa ma pa mon. Amara obedo gi syem paka merini pa yokimere jo bino gi nyithindho pa jo. Oyido jo le tuko mupira.

Yokimere otedo cemo ma kitipa me jo maro. Yoki Amara opoyo go cego Ogero i ot. Owaco ri go ni, "Ogero gwe ri ji kicar kicar."

Amara ku cego Ogero maber. Wendo jo bedo gi bwok munyo jo neno gwok both jo i ot. Wendo acel openjo ni, "I raŋo wi weyo gwok donjo i oti kama di ji?" Yoki Amara olwoŋo go to waco ri go tero gwok woko.

Amara ku winjo munyo yokimere lwoŋo go rupiri oyido jo tuko aka oyido jo koko. To galo gi kidho tero gwok woko.

Munyo Amara okadho i ot, go olwoŋo Ogero woko. Ogero omwole swa ri Amara. Munyo ocow cemo, wendo jo waco ni jo bende jo le tero gwokere pa jo i ngeri ma Amara tero iye apere. Jo waco ni jo cando gwokere aka jo ni gi kony.

Rumaceni, yoki Amara okwayo chwaki ma bedo gi gero ri Ogero. Amara osagala munyo yokimere oyere gi gwoki pere i hongo ma cowe. Ka Amara nitye ka fonjirok yokimere miyo Ogero cemo. Merini pa yokimere bende jo fwonjere bedo maber gi gwokere pajo.