Pi dwete katot, oudo poti otuo. Emong, atim kot angere twatwal, oko yamo kede rubangan mege. jo oko cokere ture idiakal, kede gen pi udo wronge ka miyo gen.

Kakame eko bino kede, en eko yamo ne jo be nyacwec omito mino gi kot oyot-oyot. Gin kiyaro twero pito kodere gi.

Idwe oudo tiye tuko ooko di wan odaro kot. Otieno me ceng nono, oko neno idoun atar kadongo itu poto ceng. Ango oudo angeo be oudo mago idoun me kot.

Jo oudo pwodi tiye para kop ikom gi kame nga tim kot owaco. Toto oko ilelem kitek, "Nenunu kuno! idoun odoko col do nan. Bianu iyot."

Kot oko cwei i lobo.

Wan oudo odaro kot! cako ki agege oudo olelo. Do kot likame oko weko cwei.

Pii oudo tiye ka dedede. Daraja kame oudo konyo wan ngolo loka oko muk tenge kakame pii olwoke kede.

Wude oko lwokere tenge kede alele. Gi kame oudo tiye winyo, oko doko can ne wan.

Jo dedede oudo oyikere pito kodere. Do nataman oudo likame ki twero pito kodere. Jo me calo na oudo lem koko kot do nataman likame oudo ki mito do akadi acel. Wan oudo oli kede daraja me ngolo loka. Jo katot oudo li kede miere.

Oko bedo kede peko ace! Oko neno nyange di tiye ikwang ka dedede. Man lem oudo likame otimere geeno. Wiwa oko dubere.

Oudo likame otwero oot wilo jame pien dukini dedede oudo tiye loka me esamai. Idwe likame oudo twero oot isukulu pien sukulun dedede oudo tiye loka tetuca me esamai.

Gikame oudo pore bedo winyo, oko doko ilam but wa. Emong, atim kot da oudo iyee olilo. Ngat ame udo cunye yom en oudo ogwok mere Canrac kede Ipusin mege kanyauni!