Aha rwakataano rumwe taata wa yusufu akajwara nana ekyererezi kyitakagiire mumwanya. Ayongyera ajwara ekikooti kyeye ekyikumutambira embeera mbi zobuhangwa nana enkofiira yeye erikumushweeka amatu. Atsibura omwoojo weye. Amaisho ga Yusuf nigeiguka obu ishe akumugira ngu "erizooba nibwe ndakwaate ekyenyanja kandi nkakuretera ekirabo."

Ekyenyanja nana ekirabo? eh, nikyiza kuba kita? Tata yavuga egaari yaaza aha mwaaro gwa Muizenberg. Yashamba egaari mpora mpora mpaka ahi abajubi babeire niberundanira. Babuuza nenkyi, nenkyi. Nikyi ekyora retere Yusuf? Taata yateera kerengere. "Murinde mureebe kyoona okuchiraabe nikyishusha!"

Abajubi bareeba eizooba rikuruga omu bichu. Baachebera aha butimba bwabo. Bachebera aha bikwato byoona. Bahurikiza omuyaga. Bakurura amaato gaabo mpaka omu maizi. Ishenkuru wa Yusuf Oupa Salie akaba ari omujubi wamaani munonga. Atakamanyire nyanja, ishe Oupagrootjie Ridwaan nawe akaba nagimanya.

Eryaato rikavugwa mpaka omumayengo. Emikono ya taata yananuka kukwata ebikozesebwa aha nyanja. Amaraka geye gareiha nana omugongo gweye gureguuka enyama. Taata nayeshongora arikukora: "Rekura ojanjaze. Shanga ekyenyanja. Kirobe kandi okinyurure. Otakarekyera aho."

Eizooba ryona Yusuf Yarimara arikureeba aheiguru omumwanya. Ekyenyanja nana Ekirabo! Oba taata naaza kureeta kyi kuruga ahanyanja? Obumwe nareeta ebintu birungyi.

Obumwe taata wa Yusuf nareeta ekitebyo. Nka obubashangire obunyankogote obwomumaizi aha mwaaro omwitaka, bwingi bwayogyeibwe omuyaga mwingyi. Nenkyi nenkyi? Boona babuuza. "Nimuza kukora kyi kuyamba obunyankgote?" Taata yagira, "Tukayamba obunyankogote obwe, ninkagambira amazima. Tukabusindika bwagaruka omumaizi mpaka akahamuheru."

Buriijo taata ku nareeta ekyeshongoro. Nayeshongora obwe ariyo nashoha. Nayeshongora obwe arikunyurura obutimba. Nayeshongora obwe arikunyurura emiguha. "Rekura kandi otege. Reeba ekyenyanja. Roba kandi okyinyurure. Otakarekyera aho."

Ouma Safiya nayenda omukira murungyi gwa kyenju gwokurya kyakiro. "Kwonka nituza kuba tweine omugisha kubara kwate akenyanja akakye. Nikyibaasa kuba omukyira gwekyenyanja aha rwakataano. Tihariho byenyanja byingi ebitsigeire omunyanja, "ouma yakigamba arikuchunda omutwe. Yusuf akakwata omukono gwa Ouma. Bachwekanitsa oruguuto baaza ahi barikwogyera. Nenkyi? nenkyi? Harira ebinyonyi aheibaati.Oba nikyi ekya kyakyiro?

Omwaka ogwa hweire abashohi bakarwaana nana abarikuzaanira ahamaizi. Nenkyi nenkyi? Ebinyonyi byarira. "Kahariho enyanja erikumara ahabwa buri omwe,"Taata wa Yusuf Nikwe yagizire. Akaboreka ekihandiiko kyokwikiriza okushoha ekya Oupa Salie. "Amayengo ga boona. Amaizi gabusha."

Ouma Safiya nareebera omu bitangaazo, Ebyaara byeye bikubire nana okwenda kumanya. Akade kekyenyanja kateera. Abajubi bayiruka bagaruka aha mwaaro bakwaata ebyokwetsimuza. "Oba taata wa Yusuf naaza kumureetera kyi kuruga ahanyanja?"

Taata wa Yusuf, ishe omuto nana omwana wa ishento Baaheza batandika kunyurira. Ekyenyanja ekyihango ekirikurya abantu kyakwatwa. Kyatandika kwerekyera omu nyengo zamaizi.Taata wa Yusuf yashumurura obutimba: "Rekura kandi otege. reeba ekyenyanja. Kirobe kandi okinyurure. Otakarekyera aho." ahamuheru kyarekurwa kyateera amaizi kyagyenda. Ouma Safiya naaza kushemererwa.

Abashaija banyurura eryaato kandi baakoma emiguha. Ekyooma kyihango kyakwaata engaro za taata wa Yusuf. Nenkyi? nenkyi? Ebinyonyi byaara. Yusuf wamureeterayo kyi? obwe omushana guriyo niguhwayo, taata yagarukamu ebinyonyi. Namuretera eriino ryekyenyanja ekyihango." Omuka Yusuf yahanika ekirabo kyeye aheiguru omu mwanya yayoreka enyonyozi.