Shakholekha kumwaha mutwela ifula yalekha khuronya ta. Tsifubutsosi tsoma tsafa. Tsifubu tsosi tsakorawo ni kametsi komerera. Babandu ni tsisolo byananikha khufa inzala ni bulesi.

Impologoma ni Nzofu nibo nga bakhulira shikuks shetsisolo bokhola lulwikhalo khukanikha khumbera iliwo.Impologoma nga iloma iri,"Khehulange bushisolo atwela khukanikhe khulomo yekhulima ifubu."Inzofu yafuchirisa yamala yatsa khubolalera bulishisolo kamawulire.

Tsisolo tsosi tsafuchirisa ari munyafu naye wetsa khu lukanikha lwemebela. Impologoma yaloma iri, "Balebe, kumwakha kuno, ifula yakhuronyaho ta. Bulimundu ali Khufa inzala ni buulesi. khwahalirewo khuri khulime ifubu isi bulumundu ananyweramu kametsi."

Tsisolo tsosi tsafuchilisana tsamala tsasuta tsimbako khutsa khulima. Tsalima paka tsola khumetsi. Impolgoma yaloma iri, "Shina muny
afu ahetsile khulima ifubu?" Shimanyisa sha naywa khumetsi kefuubu yino tawe.

Lwanyuma namunyu wetsa watwiya bamalire khulima ifubu. Namunyu wamala aloma ari, "Tipite,Tipite Khufubu!" Walekha khuwulira ishindushositsana ta. Watsa khufubu wanywa kametsi wamala wewanyakho.

Lunakhu ulwilakho nga tsisolo tsindi tsabona nga ifubu yabwe ilikhubonekha bubi. Kametsi nga katumbukhire. Bamala bareba, "Nanu kholerere ishindu shifwanana shiri?"Umundu weramu ari, "Inyala khuba Munyafu. Nga abe khuli khulima ifubu niye shabawo tawe."

Ari tsisolo tsakhala khulehawo umundu unalinda ifubu. Balonda Inguche khulinda. Inguche yaba khufubu mushiro niyo isi muniafu etsela anga aloma ari, "Tipite! Tipite! uli khu metsi!" inguche yelamu iri, "Pitani!" Ari muniafu wetsa washesa inguche iri, "Netsele musaale ate narere shesi bekhungachi bakana naabi khulya!"inguche yelamu iri, "Itsa khubone shina shilimu."

Muniafu aba nibubushi. Atsa isi inguche nga aloma ari, "lyakho musaale bubushi buuno."Amala wataya kametsi khufubu wanywa. Ari ngabe muniafu alikhutsa, namumyu wamubona.

Lunakhu ulwirakho, Namunyu watsa wabolera tsisolo tsasho bari Muniafu wanywelel kametsi khufubu. Ari tsisolo tsa khalawo khurawo shuhutu Khulinda ifubu. Ari muniafu wetsa lundi ngalnga ari, "Tipite! ulikhumetsi!" Nga shawulira umundu yesi ulihwiramu, welamu aloma ari, "Se muniafu!, netsele khunywa kametsi."

Shikhutu nga shola mushilo shebisa mumabale wabonekha nga kamale. Ari nga Muniafu ananakha uhwiha mumetsi, amuhwesa shichele nga asilire uhwolesa isi kumumu kwarura.

Ari nga tsisolo tsindi tsetse, tstwiya nga shihutu shawambire muniafu bamala balanga tsisolo tsindi khuhalawo shesi banakhola ni muniafu. Ari ngatsisolo tsosi tsola, impologoma ya tsireba, "Muniafu khumukhole khuriena.?"

Shuhutu shelamu shiri, "wanzofu namusute amupe khumabale." Tsisolo tsosi tsafuchilisana. Muniafu waloma ari, "wampologoma, wamanya uri muniafu shafa ngawamupire khumabale, kana affe nga wamutumire mulikoshe."Ari wampologoma walomawanzofu batume muniafu mulikoshe.

Ari nga muniafu amala uhwiyahah lokoshe, wanzofu amurusamu wamumwata, ari nga akwa asi lufumbi lwelikoshe lwafumukha buliwandu

Ari nga lufumbi lwelikokhe lwawawo, muniafu shabawo tawe nga akorerewo niyo tsisola tsa tegere tsiri muniafu abawomere lundi.