Amara akaba ayine emyaka mwenda y'obuto. Akaza ah'eishomero rikumanywa nka Karema. Amashomo agi y'abeire nakunda munonga, n'orungyereza, eby'amagara naneby'obuhangwa. Akaba nayenda kuba omuramuzi yakura yamara kukura. Amara akaba nakunda munonga enyameishwa.

Amara akaba natuura nanyina,Margy. Akaba ari omuhingi akukora namaani. Taata wa Amara akafa obu Amara y'abeire yahitsya emyaka etaano.

Obwire obu Amara y'abeire atari ah'eishomero, akaba nabumara nanembuzi eyibayetsire Mbisa. Akaba agyiyonja kandi agyireitsa.

Amara akaba ayine akanyameishwa akandi kakwetwa Simba. Mama wa Amara akaba atarikukunda embwa munonga, kwonka akeikyiriza Amara yatunga Simba. Simba kuyabeire emuteganisa, akaba ateera orwaari, ati "Ruga hanu ntakakushambire." Amara akaba ahuura yanyiiga.

Orw'amukaaga rumwe, bakatunga abagyenyi kururga omukyigombe kyabakazi. Amara akaba ashemereirwe ngu banywani ba mama we beija nana abaana baabo.Bakaba bazaana omupiira.

Mama we akaba ateekire eby'okurya ebyabeire nibishemeza abagyenyi. Mama wa Amara akaba amwijukyize kuchingira Simba. Ekaba emokyera abantu b'etarikumanya.

Amara tarakyingire simba kurungi. Abagyenyi kyikabatangaaza munonga kubarebire embwa omunju. Mama Oto Yasharamu yabuuza ngu" ahabwenkyi nibeikiriza embwa ekataaha omunju?" Mama wa Amara atyo yayeta Amara ku ayija akatwara Simba aheeru.

Amara tarahurire nyina arikumweta ahakuba bakaba bagumize nibazaana

Amara kuyatahire omunju, yayeta rukamba ngu eyije aheru. Rukamba ekaba emuhuriramu munonga. Okurya kukaba kwahweire, abagyenyi baagira ngu "Naneitwe nituza kutwariza kurungi embwa z'eitu nka Amara. Nituzitwariza kubi kandi n'ezomugasho munonga.

Byona kuby'ahweire mama wa Amara akashaba okusasirwa abw'okurabya kubi Simba. Amara akashemererwa ngu nyina yamara y'akunda embwa ye. Amara kuyabeire aba ari aheishomero nyina akaba areberera Simba kurungi. Banywani ba mama we nabo bayega kutwariza embwa kurungyi.