Cango, cango, oyido nitye Oculu kodi Ondyek. Aka oyido jo bedo jo ger ma jo mare. Oyido jo tera luwo kwoŋ pecin gi ngeri ma oyido pinyi ŋon iye. Ondyek oyido nitye gi ndelo madwoŋ ma oyido omaro. To oyido obedo ri go tic ma thoth ma okadho kore go. To ndir acel to paro ni wo dwari kony bong jo ger pere. Ndir acel to kidho pa Oculu penjo ka nyalo konyo go gi tic i ndelo. Oyido Ondyek la miyo Oculu mayido m'owoki i ndelo paka cul. Jo yere paka jo ger mabeyo jo konyere.

Oculu oyido tera bedo abeda i ndelo ma ki tiy. To ka Ondyek owok tic, Oculu oyido tera waco ni wo miy go mayido ma wok i ndelo. To Ondyek ku maro nger gino. Rupiri Ondyek oyere timo tic matek ka pa nwaŋo gi kipinyi ma nono.

Ndir acel to Ondyek paro ni, "Nga tek tiyo kendan ndelo gipi. Kosa Ochulu nyalo konyan to anwanŋo ye ri go maido moro ka ocowo tic." Ochulu oyere to ju mothere rupiri go oparo ni meno gimaberi. Juyere ni julatimo tichi mathothi aka be julanwango chemo maromo ri pechin pajo.

Jujaryo jutiyo maberi kanyachieli. Oyido jutiyo kaju nyero kanyachieli. Ochulu oyido kunyo ka pidho aka Ondieki oyido konyo go ka wero ka medere. Ondieki oyido nigi siemi rupiri onyalo pidho mathothi loyo mafwodi.

Ochulu oyido jatichi matek aka tiyo ndelo gipi mungoye ywomiroki. Go oyido tiyo ma piyopiyo. To go oparo nike oyido tiyo swa aka oyido go mito gonyi rupiri gima Ondieki oyido chulo oyido thini tekiteki.

Otero Ondieki indelo to nyutho go gima opidho aka owacho ri Ondieki ni, Ochulu owacho ni neni gime jye, apidho kendani aka aripere chuli ye mathothi, Ondieki onywowere to wacho ni, be, watimo gime kanyachieli amumiyo akinyali medini. wiyini okiri owili gi woni ndelo me. okoko to Ochulu kubedo gi siemi kwongi gime to wotho to kadho munyo omako nge.

Ondieki obedo gi rembo. Ondieki odoki pecho toparo ni ala chowo gime nedi rupiri Ochulu obedo jatichi ma teki swa adieri aka aki nyali weyo go. Nyo Ondieki to lwongo Ochulu to ju romo to penjo go ni imito achulini maido marominendi? Ochulu oyido ryeki swa nyo togo paro kwongi wachi ma sawa machek, gi siemiroki owachani Mmmmm ingeyo gima lamiyani siemi? Ni ila miyani adechi ma ndelo perin tebende idongi gi adechi.

Ondieki oparo ma daka. kale inyalo nwango moro kende ka imedere tiyo mateki paka itera timo' Ochulu obwonjo to wacho gi mwolo, go oyido ongwyo ni go otimo ryeko ma meni. Nyo go oyere rigemi me gikenyo woni

Munyo sawa kadho, Ochulu ochungo tichi matek to chako bedo kawero ndelo gipi. Ondieki otiyo gi meni swa aka ma sawa muromo, ma oyido go chaki gi daki Ochulu. Go obedo gi remi koai theiri gima omiyo go yeroki isawa mara pena.

Ondieki gi rembo kwong kiti Ochulu marachi. Ndelo achieli Ondieki obino gi paro marieki ma chowo teko pajo.Ondeiki owacho ni oyido amito ni wabedi mere aka jugeri mabeyo to nyo sawa me wanitye gi teko. Wabedo merini mabeyo aka walewo ndeelo, Ochulu oyere ni merini mabeyo juworere. Ondieki owacho ni akimiti ngeri ma itimo iye gikipinyi, ija neko aka ikikuri chikiroki.

Ondieki owacho ni, kikimiti konyan gitichi onyo ngoye woko indelo parani. Ochulu okwero kadho woko rupiri go oyido ongiyo gi chiemo manono ma oyido go nwango. To Ondieki oyido ojoki to riemo go woko to miyogo ngeyo ni ka amakini indelo parani ndoko. ala chamini. Meno amumiyo kiri gi kononi Ondieki reimo Ochulu kisi ka oneno go chiengini gi lowo pere aka Ochulu bende pondo in ndelini temo kwalo chiemo.