Obu otakan ediope ekaru ebe mam edoou abu otep. owokoto ikitoo keda atwakeer. Owoliosi icorin ido opuriosi akipi da. Ogeutu itunga keda itiang atwakeere etenge keda akure.

Engatunyu keda Etoom kwape lu apoloko otiang opotu iboikinos nepepe aimor ejautene ngon. ebala Engatunyu ebe,"ebeit oni aitanang atwakeere akure. Aso eworoutu itiang kere nepepe asodete aimoro awomisioit na abokun atan". Obu Etoom ijau awomisiot osodi do akorari iyemuto.

Opotu itiang kere aimoro ejautene ngon ilema Opoo. Ebala Engatunyu ebe,"owanyutu inacanaka keda anacanaka, ekaru lo mam edouu etepit. Ngin bore kere ejai atwanere etenge ka akure. Ekoto oni awanyu epone lo ibokuna oni atan terere oni kere imina apedor aimat kotoma ke".

Opotu itiang kere ocamutu osodete do katipet akopun imelekis, akitiyon ogeeri do aboka. Ebokitos osodete aiboko. Awasio ke opedunete akipi. Ebala Engatunyu ebe," inyobo mam Opoo ebunitor aiboko atan? Mam ca nges ebeit aimat akipi nu!"

E'kaulo obuni Opoo osodi awanyu atan. Ebala ebe"Tipite Tipite atan" mam ebu epupu idiobore. olomari do toma aimata akipi osodi aiduu apaki edit.

Aparan na atupakin, epotu itiang opotu odumutu atan eron noi. Mam akipi erai ibore konye eriti bon. Ingitakinos," ngabo epedori aswam ibore ka yen?" ebala icee," ekoto orai Opoo.Ne ibokia oni amamei kere ngesi".

Anu angun Opotu itiang osekutu ajalakin eidaran katan. Opotu osekutu Emwabar aidar atan. Ajai Emwabar atan neebuniyo Opoo kuware ebala,"Tipite! Tipite! osiep akipi!" Obongokin Emwabar,"Pitani!" aso obunido Opoo Ayogan nes, "abunit eong opaperoka, ido ejai ibore.





































































































































1

Ajaatar Opoo esike. Olosido ne ejai Emwabar, eebo, opaperoka., otamaki ber jo idiyo ke!" Oyinakin do Opoo nges esike. Owokuni do akipi atan osodi aimat. Nepe enyowuni Opoo odoluni Ebuu owanyuni do nges.

Aparan na atupakin, abu Ebuu olimok itiang kere ebe emasit Opoo akipi atan. osekunete do Akolodon aidar atan. Ooluni bobo Opoo kuware, ebala,"Tipite osiep atn" Ne mam apupuna abongokinet ebala ebe, "arai eong Opoo! abunit eong aimat akipi".

Edolunit Akolodon atan sek, osodi aingop kotma omoru. ido aputosi cut bala emoru ecee. Nepe ejeuni Opoo alomari akipi, ikamuni do ngesi Opoo ka keju. Mam Akolodon obu olimu akirot,obu osalaki itiangit Opoo toni akolong alomu.

Ne edolunoto itiang, opotu owanyutu ebe Ecamunit Akolodon Opoo. Opotu iworoutu nuce itiang amorun nu iswamikina Opoo. Ne iboikinotor itiang kere, ingit Engatunyu kesi, "inyobo ibusakinit oni aiswamaikin Opoo?"

Ebala Akolodon," Etoom aicamu nges keda eke kume osodi ainakin nges omoru." Opotu itiang kere ocamut. Ebala Opoo, "O lo apolon Engatunyu, ijeni jo cut ebe mam Ipoo etwakete inomakin omoru. Etwani kereka Opoo arai ecakakin okuroni" Olimokin do Engatunyu Etoom acakakin Opoo okuroni.

Edawu do ekuron arapari Opoo, obu Etoom olemu nges kuju osodi acakar nges. Ne adoyo Opoo obu apuwa na epol odakun. Ajai do apuwa adia aiboisit kere.

Ne inapakinor apuwa, Opotu itiang ongoliasi osiep. Adomun ebe ayika Opoo! Omisikinete do kesi ebe, anguloki bobo kes Opoo.