Riki sek oudo tie jo awotino are, Odiek gin kede Apuo. Odiek oudo tie nga pur atek tek moro. Oudo eyai sek odikino ceng dedede di eko oot timo tic ipoto mere.

Apuo oudo yai dido nyango otyeko wok. Eko ngaamo di eko ryere. Dido eko oot mono cam.

Odikino katot oudo Apuo oto kelo inyige mogo kidero Odiek. Eko oot ipoto mere di eko sidiko timo tic. Oudo emoko mac eko bulo inyige nogo. Oudo etimo giali apat kede camo nyige kame ebulo.

Ikare me kwanyo cam kipoto, Apuo oko kwalo cam kanga wote kocek. Eko tingo di eko tero idero mere.

Odiek oko lok pi cam mege kame kokwalo. Apuo oko dwoko ne be, “ceng mogo jo kio en kokwalo mudunga ni. Kitiye neno can kede kec pien gin jo nyapo”.

Odiek oko paro pi pekoni pi kare ka alac. Eko ngolo rieko. En eko coko odok ikom yen dedede. Eko keto odok rimaro poto dedede. Akuo oudo oyaro moko i odok noni.

Idieriwor, Apuo oko oot ipoto Odiek pi kwalo mudunga. Di pwodi likame edonyo kipoto, en eko ngongolo piny pi neno kame lika ngata moro tie.

Apuo likame oko neno odok kame Odiek oudo oketo rimaro poto mere. Apuo oko cungo i odok di eko makakin. En eko geeno ilelem pi kony.

Odiek oko winyo ilelem dido en eko ringo ooko pi mako a kuo. En likame eko bedo kede yei igi kame eko neno kede wange. Oudo nga wote Apuo en omoko i odok.

Geno cengeno, Odiek oko oot-oot mere dido Apuo da oko oot iyo apat. Man oko kelo ajikini me awotino gi.