Aya kolong ng'ipaalon ng'iarei, Abokok ka Emun.

Apei kwaar tama Abokok, "Kapana elulumata." "Nyayeni ayong akilulumare" tolimu Emun. "Ketatami ayong yong," tatachu Abokok imaimai lopaekeng.

Toloto ng'ipalon jik tani ni ayei abwel. "Ng'ae isiauni alomar nakipi?" king'itakin Abokok. "Kisiau yong! edong'i ayong keseme yong," tatachu Emun.

Dio Abokok toloma nakipi jik. Nakaneni, abu Emun kiseme echoiyarit lokojokon eger lo alomaria ng'esi akilulumare.

Ekisidi keng, abu Emun dae toloma nakipi sodi Abokok kitatamik ng'esi akilulumare wadio.

Elulumate kechi alokwaas alotekeny ang'akipi anabwel.

Kisiakis akilebolebo anakipi.

Ani ering'a ilebolebosi, abu Abokok kisiak akilulumare alokaku. Napei cha ebala Emun etetemik kona, kisiakis ng'akipi akilikor.

Ani eng'opiyari Emun alotooma ng'akipi, toloma Abokok tooma king'arak lopaekeng kikeu kidiama nyetona.

Napei epuduni Abokok king'a kona, dio ng'esi kijul Emun eting'it kotere tolekunia ng'akipi natete elikorit.

Esal keng, abu Abokok kitulek Emun nakituk esaki akitelekun ng'akipi daang.