Lwali lulala, Musana ni Maadhi baaghakana. "Ndi wa maani," Musana bwe yakoba. "Nkusinga amaani" Maadhi yakoba.

Olunaku olwairaku, Musana yaghuunha munkyo inho. Yali mukaalaamu era mughagufu olunaku lwonalwoona. Abantu baayoza engoye dhaibwe dhonadhoona. Tidhalwagho kukala. "Ninze asinga maani." Musana bwe yeeghaana.

Olunaku olwairaku, Maadhi yaghuunha munkyo inho. Gaagwa gaadhabaadha olunaku lwonalwoona. Abantu baidhuza na amaadhi buli bbuli entono ne enene. "Ninze asinga maani." Atyo Maadhi bwe yakoba.

Mu Naisana, Musana yazuuka munkyonkyo buli lunaku, yaayakira ilala na amaani. Abantu bonaboona baatabulwa. Buli bisimbe ne ebisubi byakala. "Abantu baawulira enkalamata ne enhonta. Ebisolo byali bizira kya kulya."

Buli kifo kyali kiyokya. Abantu baanoonia obwiga obutono okweghuga.

Mu Namusebuko, Maadhi yaidha na maani mangi.
Yaagwa munkyo. Yaagwa mu ntuntu, eigulo ni mu bwire. Maadhi yaidhula buli ghantu.

Bwe gaagwa, embeera yafuuka inhinhogovu era ya butyerezi. Abantu nga bali na kweghemberera mu makooti na makuufiira.

Abalimi bakyamuukirira, baasimba ebilime bingi ebyemere. Baasuubira amakungula aga amangumangu kubanga ebisimbe byakula mangumangu.

Oluvainhuma lwe ekiseera, buli muntu yeetamwa Maadhi. "Buli kifo kyali kiidhuvu. Ebisolo mu nsiko byali bilina kunoonia bifo bikalu okweghogoma."

Olunaku olwairaku, Musana yaidha aye yali munafu. Maadhi yaidha aye tiyagwa. Embeera yali ya bwinhogovu inho.

Buli muntu yaawulira obwinhogovu obubitirivu. Ezira yayendaku mbeera eno.

Abantu beebuzagania ku Musana ni ku Maadhi. Baayenda okutegeera aani asinga maani. Ologhooza ki? Ani asinga maani? Musana oba Maani?