Saha siega n da be, ka pakur da be ken baalam baalem.

Ka la ka saahe. La aa kateŋ n zaa gee bee nentaŋ n tɔɔ.

O da kɔŋ ka paaga o zɔ niiŋ, kpenkpama daan ne o soŋ o.

Niiŋ da pa'al Pakur o nan mar omeng siem. O da yee o mar omeng kang, kang ban be saazug ha a'at. Pakur me da miimer ra.

Pakur da mar daniem, ka tɔ, o mag o nyɔvor wol, ka saha la ba keng me.

Ba da loreg suor somma, bayi m gor taaba kang, kang saazug ha. Ken ka tɔat ne pipielim.

Ba da mara nwala kpe'et sangbana ne ha. Dabiem paa da gba'a Pakur ka o pi'il gbe'er. O da tam Niiŋ n da pa'al o yel siega la me.

Pakur n da zuamet siem la zug, Niiŋ da pu ta mar omenga ka m zɔ Pakur da faah lu tah zug na bomenne.

Pakur da lu teng na ŋma kaaheg buat soŋer. Tah la n da be nneŋa la da sa'am o neng soŋ la me.

O neng da sah me ka nwala zug ka paa da ŋma me yera, yera. Amaa Niiŋ da paa o sane ne o soŋ o.

Niiŋ da fabel te Pakur me. Ba da gi taaba me kɔg taaba kab kul ne pupielim. Lan taeh ka Pakur neng tah, tah la n na.