Mmutlanyana o ne a robetse tlasa sefate sa diapole.

Apole e ile ya wa ho tswa lekaleng.

Lentswe la re, "Matha mmutlanyana matha!"

A tsoha ka potlako mme a matha ka lebelo a baleha.

A kopana le kgoho. "Hobaneng o matha?" ha botsa kgoho.

Mmutlanyana a araba, "Ha ke tsebe. Ke utlwile feela ntho e wela fatshe le lentswe le reng, 'Matha mmutlanyana matha!'"

Kgoho o ne a tshohile. O ile a qala ho matha ha a utlwa seo mmutlanyana a se bolelang.

Ba kopana le ntja. Ntja a botsa, "Hobaneng ha le matha?"

Kgoho a re, "Ha ke tsebe. Ke utlwile feela seo mmutlanyana a se boletseng, le yena ha a tsebe. O utlwile ntho e wela fatshe le lentswe le re, 'Matha mmutlanyana matha!'"

Ntja o ne a makaditswe ke seo a neng a sa tswa se utlwa. A qala ho matha le Mmutlanyana le Kgoho.

Ba kopana le pere. Pere a botsa ntja, "Hobaneng ha le matha?"

Ntja a re, "Ha ke tsebe. Ke utlwile feela seo kgoho a se boletseng, le yena ha a tsebe. O utlwile seo mmutlanyana a se boletseng, le yena ha a tsebe. O utlwile ntho e wela fatshe le lentswe le re, 'Matha mmutlanyana matha!'"

Pere a qala ho matha le ba bang.

Ba kopana le tonki. Tonki a botsa, "Hobaneng le matha?"

Pere a araba, "Ha ke tsebe. Ke utlwile feela seo ntja a se boletseng, le yena ha a tsebe. O utlwile seo kgoho a se boletseng mme le yena ha a tsebe. O utlwile feela seo mmutlanyana a se boletseng, le yena ha a tsebe. O utlwile ntho e wela fatshe le lentswe le, 'Matha mmutlanyana matha!'"

Yaba Tonki o qala ho matha le yena.

Ba kopana le kgomo. Kgomo a botsa, "Hobaneng ha le matha?"

Tonki a re, "Ha ke tsebe. Ke utlwile feela se pere a se boletseng, le yena ha a tsebe. O utlwile se ntja a se boletseng, le yena ha a tsebe. O utlwile feela se kgoho a se boletseng, le yena ha a tsebe. O utlwile feela seo mmutlanyana a se boletseng, le yena ha a tsebe. O utlwile ntho e wela fatshe le lentswe le, 'Matha mmutlanya!'"

Kgomo o ne a tshwenyehile mme a qala ho matha le yena.

Ba kopana le katse. "Hobaneng ha le matha?" a botsa.

Kgomo a re, "Ha ke tsebe. Ke utlwile feela seo tonki a se boletseng, mme le yena ha a tsebe. O utlwile feela pere a se boletseng, le yena ha a tsebe. O utlwile seo ntja a se boletseng mme le yena ha a tseba. O utlwile feela seo kgoho a se boletseng mme le yena ha a tsebe. O utlwile feela seo mmutlanyana a se boletseng, le yena ha a tsebe."

Katse a qala ho matha le diphoofolo tse ding.

Ba kopana le moshanyana ya palameng baesekele mme a botsa, "Hobaneng ha le matha?"

Diphoofolo tsa araba, "Ha re tsebe. Re utlwile seo mmutlanyana a se boletseng, le yena ha a tsebe. O utlwile ntho e wela fatshe le lentswe le, 'Matha mmutlanyana matha!'"

Moshanyana a tsheha mme are, "Kea pole e ileng ya wa sefateng ka baka la moya. Ke nna ya itseng, 'Matha mmutlanyana matha!'"