Kare, kare, abwo kare sana, Nyasaye Bwerioba igoro, nigo agachete emegano nakoyebungera ase esanduku yarosaeirie emete, aaria ase erioba igoro. Abanto nse igaa ase ense tibabwate megano yokoorokeria na igo nigo bagechirie sana. Tibarenge na mogoko. Bakaboria Anansi, oronyambobe oronyambobe roria orongaini robakonye.

Anansi, akarosia eusi etaambe nakorina eusi eria yarenge konanta mbaka igoro o'nyasae. "Ninyore emegano aria, gaki?" akaboria Nyasae Bwe'rioba. Rakini Nyame akamosekerera kagoteba, "Obe, emegano eye nigo ere yerigori rinene. Tokonyara koyeakanera aye, akanyambobe aka."

"Nechibesa irenga emegano eye eragorwe?" Anansi akaboria. "Goika ondetere emenyama etatu emiya naende emekari," Nyame akamoiraneria, "Echui eria ebwate amaino amoge buna amatimo, ekiarambe keria gekorasa abanto, ne'ng'iti eria ekomera abanto abagima. Agaseka naende agaseka mbaka amaiso aye akarwa amariga. Akarengereria buna emegano eria nigo yagachire buya mono."

Igo anansi agaika ng'ora ng'ora ase eusi eria yarenge konantananta gochia nse ase ense. Akarengereeria, akamanya koamua korosia omorebio oyo. Akarema engoro etaambe, akayekuneka ne chinsaginsagi chiemete nobochabu bonde erinde anyare kobisa engoro eria, akamanya kogenda nka koria endagera yamarogoba. Mambia yaye, amaene pi akanyora echui yagure engoro eria ime.

Obe gaki, tiga inkokonye, mosani one!" Anansi agateba. "Rara inse igaiga ase ebite ebi erinde inyare gokongusa koru engoro eyio ime." Korwa aroro Anansi agachaka gosiba echui eria neusi yaye amo nebite, nakomokurura mbaka igoro ase rire gochia komwoorokia Nyasae. Rakini Nyame agaseka tu nakomoboria, "Ng'ai emenyama eria yende ere?"

Igo Anansi akairana gocha nse naende gochia kobwata naende omonyama oria okabere. Akarengereeereria no korosia omoroberio onde. Akareta ekerandi geichire namache nakogenda mbaka ase omote oria ase ebiarambe biamenyete. Agaitera amache aria make ase egesera kiabo. Koruoo akabutora rigoma korwa ase ritoke nagwetuba omotwe oye, nakweimorera amache aria amatigari ase omobere oye.

Koruoo akarangeria ebiarambe biria, "Inwe ebiarambe ebi! Inchwo morore! Embura yature! Bwango bwango soa igaa ase ekerandi kiane kebakenge korwa ase embura." Momanyete ebiarambe tibiancheti gotwerwa, igo bikairuruka bigasoa ekerandi keria kia Anansi ime.

Anansi bwango bwango agasiba omonua oria bwekerandi keria erinde ebiarambe biria tibibaisa gosoka nonya biarenge konyakorera. Akabibogoria mbaka Igoro onyasaye gochia komworokia Nyasae. Rakini Nyame akamoboria, "Ng'ai omonyama oria bwomoiso ore?"

Igo naende Anansi agaika gochia ase ense. Akarengeereria naende, rakini agasinywa korosia omoroberio. Igo akamoboria omokungu oye, oyio omoete obong'aini obuuya. Bonsi babere bakanyora ensagisagi engiiya enetu ne'megoye emekongu. Ekero barenge ang'e noroche ase eng'iti yamenyete, bagachaka koamererania. "Oronsaginsagi oro norotambe." "Yaya, tirori rotambe! Ee norotambe!"

Ake igo, eng'iti eria egasoka na kobaboria ninki barenge koamererania. "Nigo narenge koamererania namokane oyo, "Anansi agateba, "Okoba agoteba buna egete eke negetambe gokobua. Rakini tinyancheraneti." Ayio namaene inche nomotambe nde kobua egete ekio!" eng'iti erai ekabatebia. "Nche nomotamber mono! Nigo inde omonene mono! Beka ango egete ekio ang'e nainche monyare gopima!"

Igo anansi agakora igo nagosiba eng'iti eria nomogoye oria erinde eng'iti eria enyare koramboka kabisa ase egete keria. Ekero akorete gosiba eng'iti eria nemegoye eria, anansi akayebogoria akayeira mbaka igoro onyasae.

Abwo Nyame agancherana buna Anansi oakaneire egasi eria amotebetie. Igo akagenda ase esanduku eria yabwate emegano, akayeigora, nakomoa Anansi emegano eria yonsi. Anansi akayebogoria nomogoko bwensi gocha nse ase ense. Akayenoga namokaye amo nemenyama nabanto bonsi pi. Ekiagera gose emegano noyekonogwa tari eyokogacha ase chisanduku chiemete.