Ndiri acel, Oculu oyido wotho rango cemo. Oromo gi Lyec otiŋo dak mo kic. Oculu okwayo Lyec ni, "Mondo tiŋan ye. Angoye gi meni."

Lyec oyere to tiŋo Oculu. Oculu oidho ŋey Lyec to mako matek. To cako acaka naŋo mo kic pa Lyec.

Mo ocako mol i kwoŋ Lyec. Munyo Lyec openjo ni aŋo ma mol kwoŋan, Oculu odwoko ni adhola pere ama cwer.

Jo tundo i malawa to jonwaŋo Jow madho pi.

Oculu omito ŋeyo ni ŋa matek loyo, Jow kosa Lyec.

Jo cako pyem. Lyec owaco ni go tek loyo to Jow waco ni go ama tek loyo.

Oculu owaco ni oŋeyo nger ma nwaŋo ŋat matek loyo. To waco ri jo kuro go kenyo.

Oculu odwoko gi thol mabor. Otweyo kucel ma thol i pyer Lyec to tero go bor gi malawa.

Odwoko to tweyo kucel man ma thol i pyer Jow to weyo go dhu malawa.

Oculu oringo to pondo wiy yath. To koko ni, "Ere eno! Acel, aryo, adek! Yway!"

Jow gi Lyec jo yware. Lyec oywayo Jow.

Jow oywayo Lyec. To ngoye ŋat ma oloyo.

Oculu omedere ameda naŋo mo kic pa Lyec gi kama opondo iye.

Munyo mo kic orumo, oŋado thol dhu cegin gi Jow.

Lyec opodho matek to goyo yath koro.

Oculu oringo both Jow to pako paka go tek, loyo.