Kondlo a ri etlele ehansi ka murhi wa apula. Apula ri wela ehansi ku suka eka rhavi.

U twa ri ku, "Nyamalala Kondlo, nyamalala!" Ri pfukile hi xihatla kutani ri tsutsuma hi rivilo lerikulu.

Ri hlanganile na huku. "Hikokwalaho ka yini u ri eku tsutsumeni?" ku vutisa huku. Kondlo ri hlamula ri ku, "A ndzi tivi. Ndzi twe nchumu wu wele ehansi kutani ku twala rito ri ku, 'Nyamalala Kondlo, nyamalala!"'

Huku a yi chuhwile. Yi sungule ku tsutsuma loko yi twa leswi kondlo ri nga swi vula.

Va hlanganile na mbyana. Mbyana yi vutisa yi ku, "Hikokwalaho ka yini mi tsutsuma?" Huku yi hlamula yi ku, "A ndzi tivi. Ndzi lo twa leswi kondlo ri nga swi vula, na yena a nga swi tivi. U twile xin'wana xi wela ehansi kutani rito ri ku, 'Nyamalala Kondlo, nyamalala!"'

Mbyana yi hlamarile hi leswi yi swi tweke. Yi sungule ku tsutsuma na Kondlo na Huku.

Va hlanganile na hanci. Hanci yi vutisile mbyana yi ku, "Hikokwalaho ka yini u tsutsuma?" Mbyana yi ku, "A ndzi tivi. Ndzi lo twa leswi huku yi swi vuleke, kambe a yi swi tivi. Yi twile leswi nga vula hi kondlo na rona a ri swi tivi. Ri twile xin'wana xi wela ehansi kutani rito ri ku, 'Nyamalala Kondlo, nyamalala!'"

Kondlo ri sungule ku tsutsuma na lavan'wana.

Va hlanganile na mbhongolo. Mbhongolo yi vutisile yi ku, "Hikokwalaho ka yini mi ri eku tsutsumeni?" Hanci yi hlamurile yi ku, "A ndzi swi tivi. Ndzi lo twa leswi mbyana yi nga swi vula, na yona a yi swi tivi. Yi twile leswi nga vula hi huku naswona na yona a yi swi tivi. Yi twile leswi nga vula hi Kondlo na rona a ri swi tivi. Ri twile xin'wana xi wela ehansi kutani rito ri ku, 'Nyamalala Kondlo, nyamalala!'"

Endzhaku ka sweswo, Mbhongolo yi sungule ku tsutsuma na yona.

Va hlanganile na ntswele. Ntswele yi vutisa yi ku, "Hikokwalaho ka yini mi ri eku tsutsumeni?" Mbhongolo yi hlamula yi ku, "A ndzi tivi. Ndzi lo twa leswi nga vula hi hanci, na yona a yi swi tivi. Yi twile leswi nga vula hi mbyana na yona a yi swi tivi. Yi twile leswi nga vula hi huku na yona a yi swi tivi. Yi twile leswi nga vula hi Kondlo naswona na rona a ri swi tivi. Ri lo twa xin'wana xi wela ehansi kutani ku twala rito ri ku, 'Nyamalala Kondlo, nyamalala!'"

Ntswele ya vilela kutani yi sungula ku tsutsuma na yona.

Va hlanganile na ximanga. Ximanga xi vutisa xi ku, "Hikokwalaho ka yini mi ri eku tsutsumeni?" Ntswele yi hlamula yi ku, "A ndzi tivi. Ndzi twile leswi nga vula hi mbhongolo, na yona a yi swi tivi. Yi twile leswi nga vula hi hanci na yona a yi swi tivi. Yi twile leswi nga vula hi mbyana na yona a yi swi tivi. Yi twile leswi nga vula hi huku na yona a yi swi tivi. Yi twile leswi nga vula kondlo na rona a ri swi tivi. Ri twile xin'wana xi wela ehansi kutani rito ri ku, 'Nyamalala Kondlo, nyamalala!'"

Kondlo ri sungule ku tsutsuma ma swiharhi leswin'wana.

Endzhaku ka sweswo, va hlanganile na mufana a chayela xikanyakanya kutani a vutisa a ku, "Hikokwalaho ka yini mi ri eku tsutsumeni?" Kutani swiharhi swi hlamula swi ku, "A hi swi tivi. Hi twile leswi kondlo ri nga swi vula na rona a ri swi tivi. Ri twile xin'wana xi wela ehansi kutani rito ri ku, 'Nyamalala Kondlo, nyamalala!'"

Mufana u hlekile kutani a ku, "Apula ri wile ehansi ku suka eka murhi hikokwalaho ka moya. Hi mina ndzi nga vula leswaku, 'Nyamalala Kondlo, nyamalala!'"