Wadiji wusiku wine, valume vamo vasumisyaga mawuta ga vatesile panyumba pawo.

Ni kumangwawo kwadi kwana mikutula kwa mikutula ja makoswe.

Masiku gose-pe acimakoswe vagasakaga mawuta gala ni vatiga, "Cinawudi tutende mpaka tugapate kung'wa gele mawuta?"

Vele vanya vadingaga kupasya mawuta gala ni pakamwa pawo, nambo ngayikombola. Vagalepele digongo dipowo dya dibotolo dyadiji dyamwana.

Vagwisisye dibotolo nambo mawuta nganigakopoka.

Makoswe gayiweni kuti yikusosekwa yakusimonjekwa pakukombola kung'wa gele mawuta-go. Sano dikoswe dine dyatite kwa acinjawo kuti, "Sano tujigaleje micila jetu ni tujinjisyeje mwibotolo kuti tukombole kulamba mawuta ga gave m'micila mwetu."

Pele dikoswe-dyo dyayidinjile. Dyajinjisye ncila wawo mwibotolo ni dyatyosisye ncila wula wudi wugumbile mawuta. Gugulu! Gugulu! Pele gose-pe galambanaga m'micila. Pele cila dikoswe dyajinjisyaga mwibotolo mwa mawuta ni kulambaga mpaka mwibotolo kuva mwangadi.

Ndema japite valume kutola panandi mawuta, vayiweni kuti mwadiji mwangadi ata panandi!

Adisi jamadile pele.