Yo ke Palesa. Leina la gagwe le ra go re 'letšoba' ka polelo ya gabo ya Setswana.

Palesa o bolela le mohlare wa monamune mo mesong. "Mohlare wa monamune, re kgopela o re fe dinamune tše dintši."

Palesa o ya sekolong ka maoto. Mo tseleng o bolela le bjang o re, "Ka kgopelo bjang, gola o be yo motala o se ke wa omelela."

Palesa o feta matšoba a naga. "Matšoba, re leboga mebala ya lena ye mebotse ya go kganya."

Sekolong, Palesa o bolela le mohlare wo monnyane. "Mohlare, re kgopela o be le dithabe tše kgolo gore re kgone go dula morithing ge re bala."

Palesa o bolela le mehlašana yeo e dikologilego sekolo. "Ka kgopelo, gola o tiye gore o thibele batho ba go se loke go tsena ka sekolong."

Ge Palesa a boa sekolong, o etela mohlare wa dinamune. "Na dinamune tša gago di šetše di butšwitše?" a botšiša a realo.

"Dinamune di sa le tala," Palesa a realo ka go nyama. "Ke tla go bona gosasa mohlare wa monamune," a realo. "Mohlomongwe o tla be o ntshwaretše namune ya go butšwa!"