Ore enkolong nabo, neipang nakitejoo alo aingoru endaa. Nenangare oltome onapita olmosori lenaisho oo lotorok. Neikilikuan enkitejo oltome, "Aatomono tanapaki siake amu atashala oleng."

Nenyorraa oltome anap enkitejo. Neked enkitejo enkoriong oltome neibung akurraki. Neiteru enkitejo anya enaisho oo lotorok teina kata!

Neitongakino enaisho oo lotorok enkoriong oltome. Ore pee eikilikuan oltome ajo, "Kainyioo ena naitongakine," nejo enkitejo orpile lorbae lenye.

Nebaiki oltome o enkitejo orkeju, neinepu olarro sapuk oleng eokita enkare.

Neyieu enkitejo neyiolou ajo kang'ae ogol, ko oltome anaa olarro.

Neishankarra ninche oltome o olarro. Nejo oltome ninye nagol, nejo sii ninye olarro ninye nagol.

Nejo enkitejo eata ninye enkoitoi nayiolouinye ajo kang'ae ogol. Nejoki ninche pee eanyu ninye teine.

Neshukunyie enkitejo enapita enkeene naado. Neen oltome empolos tenchoto nabo enkeene nerikoo ninye aitalam orkeju.

Neen enkitejo olarro empolos enembayie enkeene, neingua te embata orkeju.

Nekuet enkitejo aisudori tiatua olchani nebuaku, "Nabo! Are! Uni! Enteyiatata!"

Neyiata oltome o olarro. Neyiataa oltome olarro.

Neyiataa olarro oltome, metii enateyiatayie enkae.

Ore teine neisudori ninye, nenya enkitejo enaisho oo lotorok oltome.

Ore pee eidip ainosa ena aisho oo lotorok nedung enkeene teine netashare olarro.

Nebatata oltome tegolon oleng neosh olchani.

Nekuetiki enkitejo olarro, neisis ejoki iyie nagol oleng alang oltome.