Jwapadi mundu jwine jwa jwatyocelaga ku Yediko ni vajawulaga ku Yelusalemu. Petala vasimene na acikacikwanje.

Vele vanya vampuutile ni kumbula yakuwala ni kun'neka adi asidice.

Yidi yitendekwe yeleyi, jwakutaga mbopesi jwine vapitile ditala didyodyo.

Pavambweni mundu jula, vambambele.

Yalumo sooni mundu jwine jwa lukosyo lwa Lefi jwayice pamalo pavagonile mundu pala, nambo nombe najo jwalakwe-jo, vambambele.

Nambo mundu jwine jwa ku Samadiya jwadiji pawulendo ni vayice pamalo gala-gala.

Pavambweni mundu jwa vapuutigwe na acikacikwanje jula, vantendele canasa.

Jwalakwe-jo jwapite pamalo pajwagonile mundu jula ni vantasile mawuta pamavanga gakwe gala ni vantavile.

Pele vankwesisye pabulu jawo ni kwawula najo mundu-jo kunyumba jagona acalendo kwa valondesisye cenene.

Kundavi kwakwe, nsamadiya-jo vakopwesye mbiya, ni vampele nsyene nyumba ja acalendo jila ni vansaadile kuti, "Mun'nolele cenene mundu-ju, naga cinjonanje mbiya sine, cimucisye pakuwuja."

Kundavi kwakwe, nsamadiya-jo vakopwesye mbiya, ni vampele nsyene nyumba ja acalendo jila ni vansaadile kuti, "Mun'nolele cenene mundu-ju, naga cinjonanje mbiya sine, cimucisye pakuwuja."

Yesu vamadisisye kuveceta pakumbuusya mundu-jo kuti, "Munganisyo syenu, ana nkuganisya kuti mwa vandu vatatu-va, vani vatesile mpela n'nongo jwa mundu jwa vapuutigwe ni cigavenga jula?"

Mwadimu jwa Malamusi vaajanjile kuti, "Jwa vantendele canasa jula." Yesu vansaadile kuti, "Nomwe vakwe njawule nkatendeje yiyoyo." (Luka 10: 30-37).