Loyi i Palesa. Vito ra yena ri vula 'xiluva' hi ririmi ra Setswana.

Nimixo Palesa u vulavula na murhi wa lamula. "Murhi wa lamula, ndzi kombela leswaku u hi nyika malamula yo tala."

Palesa u ya exikolweni. Endleleni u ri eka byanyi, "Byanyi, ndzi kombela u kula u ku hlazaa na leswaku u nga ha omi."

Palesa u hundza byanyi bya le nhoveni. "Swiluva, ndzi khensa mihlovo ya n'wina yo hatima."

Exikolweni, Palesa u vulavula na ximudyana. "Murhi, ndzi kombela u kula u va na marhavi lamakulu leswaku hi ta kota ku hlayela ehansi ka ndzhuti wa wena."

Palesa u vulavula na rihlampfu ekusuhi na xikolo. "Ndzi kombela u kula u va na matimba kutani u sivela swigevenga ku nghena endzeni."

Loko Palesa a vuya ekaya ku suka exikolweni, u endzele murhi wa lamula. "Xana malamula ya wena ya vupfile ku fika sweswi?" ku vutisa Palesa.

"Malamula ma ha ri ma rihlaza," ku hefemuteka Palesa. "Ndzi ta ku vona mundzuku wena nsinya wa lamula," ku vula Palesa. "Kumbexana endzhaku ka sweswo u ta va na lamula ro vupfa ra mina!"