U kpo bo ubaa le nan bi, bi nan yin u ke Palinyang'. Palinyang' nan ye iŋmal iloob le binaayukb ku u te ni u na. Biniib aa nan bi wii Palinyang' aa te ni u na aa kpo wii na, le bi nan dakl bisui ni ke ka Palinyang' ga ŋa kinye.

Ba nan sib doo na, le uninkpel, Sausau, yin nkuun. Sausau aabuur ni waa bↄlen nan cha binib san u ijawaan. U yikper nan fↄk le ki paa u puwↄb. Bi nan len ke Sausau nan koo timoor ni waar le bi nan gaa isui lii le ki maa ŋidichal.

Nkuun gbaan ni le uwankpadaan Lokeyokoni nan gaa Palinyang' koon waa maal ni. Lokeyokoni nan kpa mbijabim ni mpiibim pam. Mpiibim nan ter bi na lichenl ponn ni le mbijabim mu kpaa bi te aanaabaŋ sakpeŋ na.

Palinyang' nan chikr mmaal gbaan ni le ni nan mↄ u sakpen. Bi nan gee u le u mu gee bi mↄmↄk. Linaakpaal nan mↄ u.

Palinyang' nan gee unaa uba aabↄr le ki yin u ke Alinyang'. Alinyang' le nan ye unaninkpel kinabaŋ gbaan ni. Ni ma pu na, kina pu na, unaadaan animbil nan paa u pu pam.

Daalbaadaal mbijabim gbaan nan bi kpaa inaa le utaal lir le bi san ti koo busub taab. Utaal nan nun yunn ki ti sa kinyeek. Utaal aa nan ti baar na le mbijabim gbaan buen bi ti di tiwakor kun linampal amaa ba nan kan tiwakor niba chee.

Ijawaan nan joo bi tiwan ni bi te ga ŋa bi, bi yaa kun aan kaa joo tiwakor kan. Ba kaa nan bee inaa gbaan chee na, le mbijabim bilee buen bi weeja do le bilee mu buen bi puul do. Palinyang' ma nan yii ki bi ban tiwakor gbaan ni waa ga ti kan ti. Waa nan kpa weeja bee puul ki ga san buen u chee.

Palinyang' nan dii isan ii mↄmↄk u nyi na le ki joo unaa u gee na aayimbil gaa nlan. Nlan gbaan nan gaa kina la: Piii pi Alinyang'! Piii pi Alinyang'! Chaka akula chi! Chaka orete chi!

Palinyang' nan chuun gaa nlan gbaan ki naa ni kitaak aa ti wonl. U nan taa tinaabin pu amaa ti nan soon. Le u ki taa nnyeen mu pu amaa mu nan soon. Palinyang' aa nan di cha.

Kitaak aa woln na, le Palinyang' ti fu ntingbaan mu ba ni ki kan ntingbaan gbaan aaninkpel joo tiwakor gbaan. U nan gaŋ uninkpel gbaan ke u di tiwakor gbaan tii u peer ii kun le uninkpel gbaan yii.

Palinyang' aa fenn cha kun na le u ki piin ki bi gaa waa lan na. Nima chee le unaaninkpel, Alinyang' ŋun Palinyang' aaneel. Alinyang' nan fiin utafar siin le ki piin ki paa Palinyang' pu. Le inaa mↄmↄk tur nyan le ki paan Palinyang' pu. Le u di ii kun.

Binib mↄmↄk aa ŋun Palinyang' aa neel na le bi nan si kiir u. Bi mↄmↄk nan gaa ilan ki pak Palinyang'. Lokeyokoni nan doon Palinyang' le ki daa litaakↄr maman ti u ke u li joo tigban ŋani cha skuul. Kina le nan ŋa le Palinyang' piin ki chaa skuul.