Sandee nan dɔ geen "apple" aasub taab. "Apple" uba nan nyan mbon pu ki lir.

Nneel muba nan len ke, "Li san sandee li san!" U nan nyik fii le ki san mala.

U nan ti ton ukɔla. "Ba ŋa aan aa bi san?" ukɔla nan baa. Sandee nan gar u, "Ma nyi. M la ŋun tiwan niba bi lir le nneel len ke, 'Li san sandee li san!'."

Ijawaan nan chuu ukɔla. U nan piin ki san waa ŋun sandee aa len pu na.

Bi nan ti ton ubɔ. Ubɔ nan baa, "Ba ŋa aan ni san?" Ukɔla nan len, "Ma nyi. M la ŋun sandee aa len pu na, le waa nyi. U ŋun tiwan niba lir le nneel muba len ke, li san sandee li san!"

Lijinjiir nan chuu ubɔ waa nan ŋun tibɔr tina pu. U nan piin ki san dii Sandee ni Ukɔla.

Bi nan ton utaan. Utaan nan baa ubɔ, "Ba ŋa ni san?" Ubɔ nan len, "Ma nyi. M laa ŋun ukɔla aa len pu na, le waa nyi. U ŋun sandee aa len pu na le kaa nyi. U ŋun tiwan niba bi lir le nneel muba len ke, 'Li san sandee li san!'."

Utaan nan piin ki san dii biken.

Bi nan ton ubon. Ubon nan baa, "Ba ŋa ni san?" Utaan nan len ke, "Ma nyi. M laa ŋun ubɔ aa len pu na, le waa nyi. U ŋun ukɔla aa len pu na le waa nyi. U ŋun sandee aa len pu na le waa nyi.U ŋun tiwan niba bi lir le nneel muba len ke, 'Li san sandee li san!'."

Kina pu na Ubon mu nan piin ki san.

Bi nan ton unaa. Unaa nan baa, "Ba ŋa ni san?" Ubon nan len ke, "Ma nyi. M laa ŋun utaan aa len pu na, le waa nyi. U ŋun ubɔ aa len pu na, le waa nyi. U ŋun ukɔla aa len pu na le waa nyi. U ŋun sandee aa len pu na le waa nyi.U ŋun tiwan niba bi lir le nneel muba len ke, 'Li san sandee li san!'."

Limukl nan chuu unaa le u mu piin ki san.

Bi nan ton jakuna. Jakuna nan baa, "Ba ŋa ni san?" Unaa nan len ke, "Ma nyi. M laa ŋun ubon aa len pu na, le waa nyi. U ŋun utaan aa len pu na, le waa nyi. U ŋun ubɔ aa len pu na, le waa nyi.U ŋun ukɔla aa len pu na le waa nyi. U ŋun sandee aa len pu na le waa nyi.U ŋun tiwan niba bi lir le nneel muba len ke, 'Li san sandee li san!'."

Unaa mu nan kpee tiwakor tiken pu ki san.

Le bi ti ton ubijabo uba bi ŋaal chechee le u baa, "Ba ŋa aan ni san?" Le tiwakor gbaan nan gar u, "Taa nyi. Ti ŋun sandee aa len pu na le waa nyi. U ŋun tiwan niba bi lir le nneel muba len ke, 'Li san sandee li san!'."

Ubijabo gbaan nan laa le ki len ke, "Libunl pu le apple aasubil liba lir. Min le len ke, 'Li san sandee li san!'."