Kalulu alileele mwisamba lyacimuti. Mango yaponeene panshi ukufuma kucimuti.

Aumfwile amashiwi yakuti, "Butuka Kalulu butuka!" Kalulu abukile bwangu bwangu nookubutukisha.

Kalulu akumenye inkoko. "Cinshi uleebutuka?" inkoko yaipwishe.    "Nshishibe nacumfwafye icintu caapona namashiwi yakuti 'Butuka Kalulu butuka!'."

Inkoko yalitiinine. Yatampile apopene ukubutuka ilyo yaumfwile amashiwi yakwa kalulu.

Bakumenye imbwa. Imbwa yaipwishe, "Muleebutukeenshi?" Inkoko yatile, "Nshishibe, nacumfwafye ifyacilanda kalulu leelo nao teeshibe. Kalulu acumfwa icintu capona namashiwi yakuti 'Butuka Kalulu butuka!'."

Imbwa yalipapile ifyo yaumfwile. Nayo yaambile ukubutuka na kalulu neenkoko.

Bakumeene nakabaalwe. Kabaalwe aipwishe imbwa, "Cinshi muleebutukila?" Imbwa aiti, "Nshishibe. Nacumfwafye inkoko ifyo yacilanda, taishibe. Inkoko yacuumfwa ifyo kalulu aacilanda ukuti Kalulu acumfwa icintu capona na mashiwi yakuti, 'Butuka Kalulu butuka!'."

Kabaalwe nao aambile ukubutuka.

Baakumenye impunda. Impunda yaipwishe, "Cinshi muleebutuka?" Kabaalwe nao ati, "Nshishibe, nacumfwafye ifyo imbwa ilandile leelo nayo taishibe. Nayo yacumfwa ifyacilanda inkoko kwena nayo taishibe. Inkoko yacumfwa ifyacilanda kalulu kuti acumfwa icintu capona na mashiwi yakuti 'Butuka Kalulu butuka!'."

Impunda nayo yaambile ukubutuka.

Baakumenye ing'ombe. Ing'ombe yaipwishe, "Cinshi muleebutukila?" Impunda aiti, "Nshishibe nacumfwa fye ifyo kabaalwe acilanda kwena nao teeshibe. Acumfwa ifyacilanda imbwa. Imbwa yacumfwa ifyacilanda inkoko leelo nayo taishiibe. Inkoko yacumfwa ifyacilanda kalulu ukuti acumfwa icintu capona namashiwi yakuti 'Butuka Kalulu butuka!'."

Ing'ombe yaalitinine nayo yaambile ukubutuka.

Baakumene napuushi. Puushi aipusha, "Cinshi muleebutuka?"    Ing'ombe aiti, "Nshishibe, nacumfwafye ifyacilanda impunda. Nayo taishibe. Yacumfwa ifyacilanda kabaalwe. Kabalwe nayo taishibe. Yacumfwa ifyacilanda imbwa leelo nayo taishibe. Yacumfwafye ifya cilanda inkoko kwena nayo taishiibe. Yacumfwa ifyacilanda kalulu ukuti acumfwa icintu capona namashiwi yakuti 'Butuka Kalulu butuka!'."

Puushi nao ayambile ukubutuka neenama shonse!

Elyo bakumenye umulumendo aleecofa incinga. Umulumendo aipwishe, "Cinshi muleebutuka?" Ifinama afiti, "Tatwishiibe. Twacumfwa ifyacilanda kalulu kwena nao teeshiibe. Kalulu acumfwa icintu capona na mashiwi yakuti, 'Butuka Kalulu butuka!'."

Umulumendo aalisekele ati, "Icisabo cacipona caacipona kumwela. Nine naaceeba kalulu ukuti, 'Butuka Kalulu butuka!'."