Aaka kaano kamubambi watunyama twakafwidwa bazyali.

Mwezi wakamana, bantu bakali kubamba tunyama twakafwidwa bazyali bato bakajisi bubi. Kanyama kamatalikkilo kusika kubusena oobu kakali kanyama kamwezi omwe.

Aako kanyama kakali kwiitwa kuti Nomsa. Nomsa wakasika anga ulikkotede alimwi kaboneka kutakkomana.

Pele muciindi cinsyoonto buyo, Nomsa wakaba anguzu.

Wakatalika kusobana abanyama bamwi.

Buzuba bumwi, mumwezi nguwena ooyo, kwakasika ndeke mubusena bwatunyama tuniini.

Mundeke mwakali kazovwu kakavwumbidwe payi pati.

Kazovwu aaka kakali kwiitwa kuti Ndiwa.

Ndiwa wakali mupayi, wakali wamazuba osanwe.

Mubambi watunyama ootu wakali kusanina Ndiwa mukupa wamubbodela.

Buzuba bumwi, ciindi camasiku zinyama zyoonse zyakabuka.

Zyakabusigwa aakusika kwakanyama kamwi kakali kwiitwa kuti Ambia.

Ambia wakajisi myezi yosanwe.

Nakasika tanaakajisi nguzu nkaambo kalweendo lulamfwu ndwakeendede.

Ambia kakali kanyama kansingo ndamfwu.

Akaambo kansingo ndamfwu, Mubambi wakali kujata bbodela mujulu naakalikusanina Ambia.

Bamucaala bamamanino kusika mumwezi ooyu twakali twana twa syuumbwa. Twakali kwiitwa kuti Kopi, Kepi a Keji.

Tunga basyuumbwa ootu twakamvwide nzala kapati.

Mubambi abagwasi bakwe balabayanda banyama boonse kusanganya abaabo batamvwi.

Bantu bakubusena oobu balabeleka acanguzu. Basyoma kuti buzuba bumwi banyama aaba bayakulibamba beni.

Mpoona bayakujokela musyokwe.