Ili lyashi lyapatunama utwafwiilwa abafyashi batuko.

Mumweshi wapwile, abantu abasunga utunama pacende apo basungila inama shabula abafyashi baali neencito saana. Akanama akakubalilapo ukufika pancende iyi kaali kanama kamwaka umo. Kaleeitwa Nomsa. Ilyo Nomsa afikile kuli iyi ncende, aali uwaonda kabili aleemoneka fye uwabuleensansa.

Nomba munshitafye iinono, Nomsa aliikwete amaka kabili atampile ukwangala neenama shimbi.

Bushiku bumo mumweshi uyo wine, kwaishile ndeke pancende basungila inama shabula abafyashi.

Mundeke mwali akasofu akafimbilwe noobulangeti ubukulu. Akasofu aka baleekeeta ukutila Ndiwa.

Uyu Ndiwa aali neenshiku shisaano. Umuntu uwaleesunga utunama aaleenwisha Ndiwa umukaka uwa mwibotolo.

Bushiku bumo, panshita iya bushiku, inama shonse shalishibwike ilyo akanama baleeita Ambia kafikile.

Ambia aali neemyeshi isaano. Ilyo afikile, aali uwanaka pamulandu wabuleendo ubutali ubo aendele.

Ambia kaali kanama akakwete umukoshi uutali. Pantu aali nomukoshi uutali, Kasunga aaleeikatila ibotolo mumulu pakupeela Ambia umukaka.

Inshiwa shakulekelesha ukufika mumweshi uyu twaali utwana twankalamo. Twaleeitwa: Kopi, Kepi na Keji. Utwana twa nkalamootu, twali neensala saana.

Kasunga naabamwafwako balitemwa inama shonse, ukubikako neeshishumfwa.

Abantu bapancendeyi balaabomba namaka. Bacetekela ukuti bushiku bumo inama ishi shikalaisakamana ishine nookubwelela mumpanga.