Andra o'du alu, opi' kami omve okuta a'mboru anyapa dria eyi ni. Opi kami omve eyi emuzu e'yo amazu angu ma ta mbaza onyiru ri ma dria.

Anyapa ka emu kalafe angiri si 'bo opi kami nga di fee ba dria ni ovuzu cirri.

Kami nga di yo eyi ma tia kini, "Ba mani diyi la emi ma eri e'yo 'diri kilili."

" 'Ba ama ma aribo ru 'diyi pati aga azini ayise amani ni a-azu 'diyi eza okposi. Ama di nga ye ngoni ya?"

Ezoanzi, oku azini agupi eyi pati ama ageia 'diyi eza eza. Ama eco aribo 'diyi agazu oce amani a-azu alenia 'diri kuzu ja ngoni ya?

E'yo e'disi anyapa woro eca candisi.

Anyapa nga di kalulu 'be 'ba opezu. Ope ewa, odru, obirio azini yuku.

Ope yi 'ba pati gapi diyi obizu.

Anyapa opele su 'diyi 'ba pari ndundu ekile maka everia, yi atete a-a ri zipi, angu eve 'ba anyapa eribi ni eduzu 'diyi azini amvu 'ya 'ba 'diyi obi.

Anyapa 'diyi eriru 'ba obile 'diyi pie asianzu si.

Angu azi lizu anyapa yini azini 'diyi kuzu 'ba ada yi ni.