Muvhuḓa wo vha wo lala fhasi ha muri wa muapuḽa. Apuḽa ḽa wela fhasi u bva davhini.

Ipfi ḽa ri, "Gidima muvhuḓa gidima!" Wa vuwa wa gidima nga luvhilo.

Wa ṱangana na khuhu. "Ndi ngani u tshi gidima?" hu vhudzisa khuhu. Muvhuḓa wa fhindula, "A thi ḓivhi. Ndo so ko pfa hu tshi wa tshithu na ipfi ḽe ḽa ri, 'Gidima muvhuḓa gidima!'."

Khuhu yo vha yo tshuwa. Ya thoma u gidima i tshi pfa zwi no ambwa nga muvhuḓa.

Vha ṱangana na mmbwa. Mmbwa ya vhudzisa, "Ni gidimela mini?" Khuhu ya ri, "A thi ḓivhi. Ndo soko pfa zwe muvhuḓa wa amba, na wone a u ḓivhi. Wo soko pfa tshithu tshi kho u wa na ipfi ḽe ḽa ri 'Gidima muvhuḓa gidima!'."

Mmbwa ya pfa yo mangadzwa nga zwe ya pfa. Ya thoma u gidima na Muvhuḓa na Khuhu.

Vha ṱangana na bere. Bere ya vhudzisa mmbwa, "Ni kho gidimelani?" "A thi ḓivhi. Ndo soko pfa zwe khuhu ya amba, na yone a i ḓivhi. Yo soko pfa zwe muvhuḓa wa amba na wone a u ḓivhi. Wo soko pfa tshithu tshi kho u wa na ipfi ḽe ḽa ri 'Gidima muvhuḓa gidima!'."

Na bere ya thoma u gidima na zwiṅwe.

Zwa ṱangana na mbongola. Mbongola ya vhudzisa, "Ndi ngani ni tshi kho gidima?" Bere ya fhindula, "A thi ḓivhi. Ndo soko pfa zwe mmbwa ya amba, nayone a i ḓivhi. Yo pfa zwe khuhu ya amba na yone a i ḓivhi. Yo soko pfa zwe muvhuḓa wa amba na wone a u ḓivhi. Wo soko pfa tshithu tshi kho u wa na ipfi ḽe ḽa ri 'Gidima muvhuḓa gidima!'."

Mbongola na yone ya thoma u gidimavho.

Zwa ṱangana na kholomo. Kholomo ya vhudzisa, "Ni gidimelani?" Mbongola ya fhindula, "A thi ḓivhi. Ndo soko pfa zwe bere ya amba, a i zwi ḓivhi nayone. Yo soko pfa zwe mmbwa ya amba, nayone a i ḓivhi. Yo pfa zwe khuhu ya amba na yone a i ḓivhi. Yo soko pfa zwe muvhuḓa wa amba na wone a u ḓivhi. Wo soko pfa tshithu tshi kho u wa na ipfi ḽe ḽa ri 'Gidima muvhuḓa gidima!'."

Kholomo ya thoma u vhilahela ya thoma u gidima nayone.

Zwa ṱangana na tshimange. Tshimange tsha vhudzisa, "Ni kho gidimela mini?" Kholomo ya fhindula, "A thi ḓivhi. Ndo soko pfa zwe donngi ya amba. Nayone a i ḓivhi. Yo pfa zwe mbongola ya amba, nayone a i ḓivhi. Yo so ko pfa zwe mmbwa ya amba, nayone a i ḓivhi. Yo pfa zwe khuhu ya amba na yone a i zwiḓivhi. Yo soko pfa zwe muvhuḓa wa amba na wone a u ḓivhi. Wo soko pfa tshithu tshi kho u wa na ipfi ḽe ḽa ri 'Gidima muvhuḓa gidima!'."

Tshimange tsha thoma u gidima na zwiṅwe zwipuka.

Zwa mbo di ṱangana na mutukana a kho gidimisa baisigira a vhudzisa, "Ni kho gidimela mini?" Zwipuka zwa fhindula, "A ri ḓivhi. Ro soko pfa zwe muvhuḓa wa amba na wone a u ḓivhi. Wo soko pfa tshithu tshi kho u wa na ipfi ḽe ḽa ri 'Gidima muvhuḓa gidima!'."

Mutukana a sea a kona uri, "Apuḽa ḽo wa murini nga nṱhani ha muya. Ndi nṋe we nda ri 'Gidima muvhuḓa gidima!'."