Enduyu yaali eŋenyuhire ŋaasi wo'muyembe ngʼomuyembe guŋwa hu lusaga gugwa.

Ejanjasi nga liroma liti, "Duluma" Enduyu ya sisimuha mangu mangu nga eduluma embiro eby'amaani byene.

Ni yaali ne duluma yageene engoho nga engoho yibuusa yiiti, "Lwahiina oduluma?" Enduyu yagaluhamo yiiti, "Simanyire. Mpuliye ehiitu nihingwa nga edowozi liloma liti, "Duluma, Nduyu duluma!

Engoho yatya ni yaŋulira ehi nduyu yaloma nga etandiha ohuduluma.

Ni byageene embwa nga yibuusa yiiti, "Lwahiina muli huduluma?" Engoho ngʼegobolamo yiiti, "Simanyire puliiye ehi nduyu eromire, ate nga yoosi semanyire. Mbo eŋuliiye ehiitu ni higwa, ngʼejanjansi liroma liiti, 'Duluma nduyu, duluma!'."

Embwa yeŋuunya ebi yaŋuliiye. Yatandiiha ohuduluma nʼenduyu nʼengoho.

Ni byali ni biduluma byageene embalasi ngʼebuusa embwa yiiti, "Lwahiina muduluma?" Embwa nga yigobolamo yiiti, "Simanyire ese puliiye ehi ngoho eromire ate yoosi semanyire. Eŋuliiye ehi nduyu eromire, ate yoosi semanyire. Eŋuliiye hiitu nihigwa. Nga ejanjasi liroma liiti, 'Duluma nduyu, duluma!'."

Embalasi ngʼetagiha ohuduluma ne'solo ejaali ni jiduluma.

Jagaana nasugirya. Nasugirya ng'abuusa ati, "Lwahiina muli huduluma?" Embalasi ng'egobolamo yiiti, "Simanyire puliiye ehi mbwa eromire, yoosi semanyire eŋuliiye ehi engoho eromire, yoosi etamayire, eήuhiye ehi nduyu eromire ate nga yoosi semayire. Enduyu eŋuliiye ehiitu ni higwa. Ejanjasi nga liroma liiti, 'Duluma, nduyu duluma!'."

Nasugirya nga yeesi atagiha ohuduluma.

Nga jagaana eŋombe. Eŋombe nga yibuusa yiiti, "Lwahiina muli huduluma?" Nasugirya ng'agobolamo ati, "Simanyire, puliiye ehi mbalasi eromire, yoosi eŋuliiye ehi mbwa eromire atenga yoosi semanyire, eŋuliiye ehi engoho eromire, yosi etamanyire, eŋuliiye ehi nduyu eromire yosi etamanyire, eŋuliiye hiitu ni higwa nga ejanjasi liromaliiti, 'Duluma, nduyu duluma!'."

Eŋombe ng'etya yosi etagiha ohuduluma.

Ni jaduluma nga jagaana epuusi. Epuusi nga yibuusa yiiti, "Lwahiina muli huduluma?" Eŋombe ng'egobolamo yiiti, "Simanyire, puliiye ehi nasugirya alomire yeesi samanyire, aŋuliiye ehimbalasi eromire. Embalasi yosi semanyire eŋuliiye ehi mbwa eromire. Embwayosi semanyire eŋuliye ehi ngoho eromire. Engoho yosi semanyire eŋuliiye ehi nduyu eromire. Eduyu yosi semanyire eŋuliye ehiitu ni higwa, ng'ejanjasi liroma liiti, 'Duluma, nduyu duluma!'."

Epuusi nga etagiha ohuduluma n'esolo jahye.

Esolo joosijoosi ejaali ni jiduluma nga jagaana omuseere nafuga egaali. Nga ajibuusa ati, "Lwahiina muduluma?" Ng'aŋo esolo joosi jigobolamo jiiti, "Sihumanyire. Huŋuliiye ehi nduyu eromire ate yoosi semanyire. Eŋuliiye ehiitu ni higwa nga ejanjasi liroma liiti, 'Duluma, nduyu duluma!'."

Omuseere ng'ajeha nga aloma ati, "Omuyembe nj'oguŋoye hu musaala gwagwa olw'e hibuyaga. Ng'aŋo ko ndoma ti, 'Duluma nduyu duluma!'."