Onapowo yabbaire agonere ansi w'o musaale ogw'omuyembe. Omupera ni gugwa okuzwa oku kisaga.

Edoboozi n'ekoba eti, "Oiruke, napowo oiruke!" N'alamuka mangu n'airuka mangu.

N'asisinkana oNkoko n'amubuulya ati, "Lwaki oli kwiruka?" ONapowo n'airamu ati, "Timaite, mpuliire kintu nga kigwa n'edoboozi n'ekoba eti, "Oiruke, Napowo oiruke!

ONkoko oweyawuriire oNapowo ekiyamukobeire, ni yeekanga, era n'atandika okwiruka.

Ni basisinkana oMbwa. OMbwa n, ababuulya ati, "Lwaki mwiruka?" ONkoko n'airamu ati, "Timaite, zena mpuliire oNapowo ekyakobere, yena tamaite. Awuliire kintu nga kigwa, edoboozi n'ekoba eti, "Oiruke, Napowo oiruke!

OMbwa ni yeewunya olw'ekyo ekiyawuliire. N'atandiika okwiiruka n'oNapowo n'oNkoko.

Ni basisinkana oMbalaasi, oMbalaasi n'abuulya oMbwa ati, "Lwaki mwiruka?" OMbwa n'akoba ati, "Timaite, mpuliire Nkoko eky'akobere, era yena tamaite, awuliire oNapowo eky'akobere era yena tamaite. Awuliire kintu nga kigwa edoboozi n'ekoba eti oiruke Napowo oiruke."

Ombalaasi n'atandika okwiruka n'abainaye.

Ni basisinkana oMpunda. OMpunda n'abuulya ati, "Lwaki mwiiruka?" OMbalaasi n'airamu ati, "Timaite, mpuliire Mbwa eky'akobere, era yena tamaite. Awuliire Nkoko eky'akobere, era yena tamaite. Awuliire Napowo eky'akobere, era yena tamaite. Awuliire kintu nga kigwa edoboozi n'ekoba eti oiruke, Napowo, oiruke."

Kale oMbalaasi yena n'atandiika okwiruka.

Ni basisinkana oNte, oNte n'abuulya ati, "Lwaki mwiruka?" OMpuda n'airamu ati, "Timaite, zena mpuliire Mbalaasi eky'akobere, era yena tamaite. Awuliire oMbwa eky'akobere era yena tamaite. Awuliire oNkoko eky'akobere era yena tamaite. Awuliire Napowo eky'akobere era yena tamaite, Awuliire kintu nga kigwa edoboozi n'ekoba eti oiruke, Napowo oyiruke."

ONte ni yeeraliikirira era yena n'atandiika okwiruka.

Ni basisinkana opuusi. OPuusi n'abuulya ati, "Lwaki mwiruka?" ONte n'airamu ati, "Timaite, mpuliire oMpuda eky'akobere, era tamaite. Awulire ombalaasi eky'akobere era yena tamaite. Awuliire oMbwa eky'akobere era yena tamaite. Awuliire oNkoko eky'akobere era yena tamaite. Awulile oNapowo eky'akobere era yena tamaite. Awulire kintu nga kigwa edoboozi n'ekoba eti, "Oiruke, Napowo oiruke!

Opuusi yena n'atandiika okwiruka n'abayinaye.

Oluvanyuma ni basisinkana omwisuka ngaavuga e'gaali. Yena nawulya, "Lwaki mulikwiruka?"   Ebisolo byayililemu nti, "Titumaite. Tuwulile onapowo ekyakobere era tamaite. Awulile ekintu nga kigwa ne edoboozi n'ekoba eti oiruke, napowo, oiruke."

Omwisuka n'aseka era n'akoba ati, "Omupera gugwire kuzwa ku musaale lwa mpunga. Era ni nze nkobere nti oiruke, Napowo oiruke."