Afoyo oyido nindo i tiendi mutundwa. Mutundwa acel opodho wok malo.

Owinjo ka gimoro waco ni, "Ringi Afoyo, ringi!" Go ocew piyo piyo to ŋweco ma dwir.

Oromo gi gweno. To gweno penjo go ni, "I ringo aŋo?"  Afoyo odwoko ni, "Akuya ran. Awinjo awinja gimoro podho to gimoro waco ni, Ringi Afoyo ringi!"

Gweno obwok. To cako ŋwec munyo owinjo gima Afoyo owaco.

Jo romo gi gwok. Gwok openjo ni, "Wiringo aŋo?" Gweno owaco ni, "Akuya ran. Awinjo awinja gima Afoyo owaco, aka go bende kuya. Owinjo gimoro podho to gi moro waco ni, Ringi Afoyo ringi!"

Gwok odhier kwoŋ gima owinjo. To cako ŋwec gi afoyo kodi gweno.

Jo romo gi Kayina. Kayina openjo Gwok ni, "Wiringo aŋo?" Gwok odwoko ni, "Akuya ran. Awinjo awinja gima gweno owaco, aka go bende kuya. Owinjo gima afoyo owaco aka be kuya. Owinjo gimoro podho to gi moro waco ni, Ringi Afoyo ringi!"

Kayina ocako ŋwec gi wadi no.

Joromo gi punda. Punda openjo jo ni, "Wiringo aŋo?" Kayina odwoko ni, "Akuya ran. Awinjo awinja gima Gwok owaco, aka go bende kuya. Owinjo gima Gweno owaco aka bende kuya. Owinjo gima Afoyo owaco, aka go bende kuya. Owinjo gimoro podho to gi moro waco ni, Ringi Afoyo ringi!"

Gi kenyo Punda bende ocako ŋwec.

Joromo gi Dhiaŋ. Dhiaŋ openjo jo ni, "Wiringo aŋo?" Punda odwoko ni, "Akuya ran. Awinjo awinja gima Kayina owaco, aka go bende kuya. Owinjo gima Gwok owaco aka bende kuya. Owinjo gima Gweno owaco, aka go bende kuya. Owinjo gima Afoyo owaco, aka go bende kuya. Owinjo gimoro podho to gi moro waco ni, Ringi Afoyo ringi!"

Cuny Dhiaŋ opodho to bende cako ŋwec.

Joromo gi Pus. Pus openjo jo ni, "Wi ringo aŋo?" Dhiaŋ odwoko ni, "Akuya ran. Awinjo awinja gima Punda owaco, aka go bende kuya. Owinjo gima Kayina owaco, aka go bende kuya. Owinjo gima Gwok owaco aka bende kuya. Owinjo gima Gweno owaco, aka go bende kuya. Owinjo gima Afoyo owaco, aka go bende kuya. Owinjo gimoro podho to gi moro waco ni, Ringi Afoyo ringi!"

Pus bende ocako ŋwec gi ogwange no.

Jo romo gi nyath ma nyiyac ma gweyo gal to penjo jo ni, "Wi ringo aŋo?" To ogwange jodwokoi ni, "Wakuya ri wan. Wawinjo gima Afoyo owaco, aka go bende kuya. Owinjo ni gimoro podho to gi moro waco ni, Ringi Afoyo ringi!"

Nyiyac no onyero to waco ni, "Koyo oredho mutundwa. To aŋata awaco ni Ringi Afoyo ringi."