Cango i lul ma Rukul koro oyido nitie oŋer m'oyido kumo akuma. Oyido nyithindhe tho atha kis k'onywol.

Litho ma tho nyithindho omiyo oŋer no por por. Go oyido por wok i jangi yath man, to doko por i man, ka ywak ni, "Kew ka! Kew ka! Kew ka!"

Oŋer no obedo gi geregere hongo je. Oyido geregere pere medere ka go oneno oŋere man gi nyithindhi gin.

Oŋer ma ni gi geregere no oyido bole ka gi kaca. Go oyido bole i jangi yath me gi meca! Paka ndelo kadho apaka oŋer no omedo ameda ywak.

To nywol kendo. Oyero tero nyathi pere i wangi yo ni jo maluwo kenyo jo woneni aka jo wokwayi ri go bero.

Oŋer oloro piny wok i jangi yath to ketho nyathi i waŋ yo. Kareno jadwar moro oyido dok peco. To neno nyathi oŋer onindo i thengi yo.

Jadwar no otiŋo nyathi oŋer to tero peco pere. Munyo jadwar no otundo peco, yac pere adek jo cako tuko gi nyathi oŋer.

Yac adek no kano jowero ama: "Bol go malo! Bol go piny! Boli ran! Bol ri go!" Obol oŋer wok bongi nyathi me kidho bongi ca.

Munyo yac adek no jo tuko gi nyathi oŋer, min oŋer oyido opondo i wi yath ka neno jo. Oyido rembo ni nyathi no bende le tho paka wadi.

Gi kenyo cipa jadwar obino aka oneno nyithindho pere jotuko gi oŋer mathin. Owaco gi gero ni, "Gwokere win! Keli nyathi oŋer no ka. Wi le redho!"

Otiŋo nyathi oŋer i cinge, to miyo silwany.

Munyo cipa jadwar oketho nyathi oŋer piny, min oŋer obino gi ŋwec munyo sangala. Okwanyo nyathi pere, oketho i kore to leny i wi yath.