Cango, cango, cango i tindi moro obedo iye kere gi nyare maber swa.

Oyido peco pa lyec nitye yuthenge acel ma tindi no. Aka Ŋokino oyido bende bedo yuthenge man.

I hongo no, ceŋ olyel tektek swa i piny gi pi. To kere bedo gi paro to lwoŋo jo ger pere aryo me bino i tindi pere.

Kere owaco ri Lyec gi Ŋokino ni, "Amito wi nyon piny gi tyendi win nyuka pi wok."  Kere ociko ni le miyo nyare ri ŋat meno ma onyal wodho pi.

Ŋokino ku bedo gi geno paka go oyido thin swa. Lyec osangala swa paka go oyido dwoŋ tektek aka nitye gi men. Lyec okidho i ndelo to cako nyono piny.

Fukefuke mathoth oduny, to pi ku wok. Lyec onyono anyona piny to ol. Pi oyido cegin wok! To miyo Ŋokino silwany ni bende wo tem.

Ŋokino to cako nyono piny. I hongo macek won, to pi wok. Ji jo kunyalo yeyo gi ma ju neno gi waŋ jo.

To kere miyo Ŋokino nyare. Omiyo Lyec wotho munyo kumo.