Ce-Dijani vatamaga muncitela cekulungwa mungulugulu lusulo. Cidikati ca lusulo capadi cilumba cimo camwana.

Yitela ya cele cilumba-co yasogwele yisogosi yejinji.

Ce-Dijani vasakaga kuja kudya yisogosi yila. Vele vadiweni diganga dyekulungwa cidikati ca ditala ni vaganisisye kuti ngagulucile peganga pala, guluka sooni pele mpaka pacilumba pala.

Ce-Dijani vagulwice kwa macidi mpaka peganga pala. Sooni vagulwice kane mpaka pacilumba pavapasakaga pala.

Vele ni vadiji nkudya yisogosi yila. Pawujo pakwe ni dyawujaga wa kunyumba. Ce-Dijani yele vatendaga kakajinji.

Nambo vapadi vamo ce-Ngwena va vatamaga mun'nusulo ni vankwawo.

Ce-Ngwena vakongwe vatite, "Vankwangu m'mwe nkaajesile mpaka peganga pala ni nkaajile kuva cimile. Dipende dyenu didi ntundu wumo ni diganga dila."

Gane masiku mbujo mwakwe, ce- Ngwena vaweni ce-Dijani adi nkwawula kucilumba kula.

Ce-Ngwena ata dilama nganatenda, vele vakwesile peganga ni vagonile ni kusisa ntwe wawo nkati mwa mesi.

Ce-Dijani pa vamasile kudya ni vadiji tayadi ja kuwuja wa kumangwawo. Nambo diganga dyalosisye wukulu kulekangana ni mwa dyavelele.

Sano vele vatite pakwamba diganga, "Alakwe ce-Diganga, mpela alakwe sano akusile? Alakwe adi cenene?"

Ce-Ngwena vadiji cisilu ni vaganisyaga kuti diganga dila ni dya dyavecetaga.

Sano vele vajanjile ce-Dijani kutiji, "Wune nguwoneka mpelaga jwankulungwa ntande ngwena jekulungwa jigonile pacanya pa wune."

Ce-Dijani vatite, "M'mwe ce-Ngwena, wune nayimanyi kuti m'mwe nkusaka kundya. Wune ndi jwancekulu ni ntande wakwe m'mwe komboleka kunyigala wune.

Nambo wune ngusaka kulanga kwa vanace vangu kwele kucitela cekulungwa. Pele ce-Ngwena vakwesisye ce-Dijani ku n'gongo kwawo!"

Pa vayice kwekula ce-Dijani vakwesile ncitela ni vatite, "Asante kwa boleya ambusanga. Basi, sano m'mwe komboleka kwawulaga kunyumba jenu!"

Ni ce-Ngwena ni vatite, "Nambo m'mwe mwapelece cilanga."

Ce-Dijani vasecile ni kuti, "M'mwe ntesile wusilu kungulupidila wune!" ni vajuvile kusyeto nyambi sya ncitela. Ce-Ngwena nganakomboleje kwakamula ce-Dijani va kukalamuka!