Obusumi bwaira hakaba haroho eka eyali ine omuti gwebijuma ebirukunura, buli omu yabungiraga ezigati yagonzaaga kurozaho ekijuma. Eka ekaba ine nomwisiki omurungi. Buli omu yayegombaga oburungibwe, amaisoge amarungi kandi kukira bwona ekyemerrokye.

Obuyakuzire yaba omukazi omuto, abasaija abato na bakuru bakaijura owabu kumusaba kumuswera. Bazairebe bakacwamu ngu omusaija owasobora kwikarra omuzigati ekiro kyona atalire hakijuma kyona, alihebwa omukono mubuswezi.

Amakuru gakararanga omu kyaro kyona. Omusaija owuyabandize kwija akaba ali mukuru wabalimi boona mukyaro. Akaba ali murungi, mugaiga kandi muto. Akatangirirwa kandi yahabwa ebijuma. Akaikarra habwobudakiika buke, baitu obwire butali bwahara, yalya ekijuma kandi yabingwa.

Mukuru wa balinzi b'ebisoro nuwe yayongireho. Akaba ali murungi, muto kandi mugaiga. Omwisiki akamwegomba. Baitu obuyahairwe ebijuma, akabiriraho ahonaho, kandi akabigwa.

Omusaija ondi owuyaizire akaba aine amataka maingi. Akaba aine omururu kandi mubi. Omwisiki yasaba ngu alye kandi agende. Obuyahairwe, yayanga kulya. Akaire karabaho, kandi omwisiki yatandika kumusaba alye. Nkasaaha ikumi zarwebagyo, akakwatwa enjara, kandi yalya. Nawe, akabigwa.

N'omunyoro, nawe akaija. Akaba aine omururu, mukuru, kandi mubi chu. Busaho ayamwendaga mukyaro. Omwisiki akaba nayenda ngu uwe alye kandi agende. Obuyahairwe ebijuma, yayanga kubirya. Akaikaraho ekiro kyona. Nkasaha ikumi naibiri, akasaba obwaraba nasobora kugenda mukyolooni.

Akaikirizibwa kugenda. Obuyagarukire, akahooho kebijuma kamwetoorora, kandi eminwaye yatukura! Akaba alire ekijuma mukyolooni! Habwokulekerwa kwomwisiki, akabingwa.

Hanyuma yebiro bike, mugenzi w'omukama omuto, omurungi kandi mugaiga yahika. Omwisiki akamurora omukwegomba. Akamutwara harubaju, kandi yamusaba kutalya ekijuma kyoona. Akamuha ebijuma kitaitoho kukira hali abandi. Baitu omwihagwe akaba amazire kulya kandi yabigwa. Habwekiniga omwisiki akatunga amaziga kandi yarra muno.

Ekiro ekindi, omulimi akaija, akaba ali munaku kandi mugara, baitu akaba ali muto kandi namaywa abantu baingi muno habwokuba worugambo. Akaija amalirire kusinga. Omwisiki akamuha ebijuma bingi kandi yamusaba kulya akagenda.

Obuyahairwe, yayanga kulya. Omwisiki yalindirra mubusasi. Ihagwe lyarabaho, zahika saha munana. Saha ikumi, omulimi yasaba amaizi. Omwisiki yasaba ngu alye ekijuma, baitu akaba nasaba mpaka obuzahikire saha emu. Omulimi onu akaba asingwire ekirengeso ekyokugumisiriza ekyatairweho abazaire!

Abazaire bakaba baina kuhayo muhara wabo hali "omugara." Omwisiki akeesengereza kumujuna kuruga omunyikara egi. Baitu bazairebe tibaine ekibakozireho. Omulimi obuyamutwaire mukaye, akazina ekizina ekirungi obu natera omungaro. Abantu baingi bakaijura murugudo kurora abagonzangaine.

Abamu ha bantu bakaba bali bahereza bomukama. Bayeta omulimi harubaju, kandi bamuha sente n'ente obwaraleka omwisiki. Hataroho akaire kwokwanga, akatwara sente, n'ente, kandi yarugaho.

Abahereza ba jweka omwisiki mungoye enungi kandi bamutwara mukikaali, halimutabani w'omukama. Mubusumi buke, bakeeta bazairebe. Kandi omukoro gukatekanizibwa kuteeraniza ababiri mubuswezi.