Lexi i xitori xa muhlayisi na vuhlayiselo bya swihari swo pfumala vatswari.

Nhweti ya ku hela mphesaphesa evuhlayiselweni. Nomsa wa lembe rin'we hi yena wo sungula ku fika. A larile na ku hlundzuka.

Endzhaku ka masiku Nomsa a tiyela. A sungula ku tlanga na swihari swin'wana.

Siku rin'wana enhwetini ku fikile xihahampfhuka evuhlayiselweni.

Endzeni ka xihahampfhuka a ku ri na xindlopfana xi funengetiwile nkumba lowukulu. Vito ra xona i Ndzima.

Ndzima a funengele nkumba. A ri na ntlhanu wa masiku. Muhlayisi a mamisa Ndzima hi bodhlela.

Hi vusiku byin'wana un'wana na un'wana u pfuxiwile hi ku fika ka Ambiya.

Ambiya a ri na ntlhanu wa tinhweti. A heleriwile hi matimba endzhaku ko famba nkarhi wo leha.

Hikwalaho ka nkolo wa yena wo leha, muhlayisi u khomile bodhlela a ri yisa ehenhla ku n'wi mamisa.

Swihari swin'wana leswi fikeke nhweti yaleyo ku vile swinghalana. Mavito ya swona i Kopi, Kepi na Kipi.

Muhlayisi u rhandza swihari hinkwaswo. Na leswi phungelaka.

Vanhu va e vuhlayiselweni va tirha hi matimba. Va tshemba leswaku siku rin'wana swihari leswo pfumala vatswari swi ta tihlayisa. Swi ta tlhelela enhoveni.