Logwaja bekalele ngaphasi kwesihlahla. Lihhabhula lawela phasi lisuka egatjeni lesihlahla.

Kwavakala livi litsi: Baleka logwaja baleka! Wavuka ngekuphutfuma wabaleka ngesivinini lesikhulu.

Endleleni wahlangana nenkhukhu. "Kungani ubaleka?" kubuta ematjwele alogwaja. Logwaja atiphendvulele, "Angati. Ngive intfo iwa esihlahleni ngase ngiva livi litsi: Baleka logwaja baleka!"

Inkhukhu yavele yatfuka. Yacala yabaleka ngemva kwekuva loku bekushiwo ngologwaja.

Bahlangana nenja. Inja yabuta, "Yindzaba nibaleka?" Inkhukhu yavakala itsi, "Angati. Ngive loku bekushiwo ngulogwaja, naye logwaja akati. Uve intfo letsite iwa kwase kwavakala livi litsi: Baleka logwaja baleka!"

Nenja beyimangele ngaloku leyikuva ngenkhukhu. Yase yacala yabaleka nalogwaja nenkhukhu.

Bahlangana nelihhashi. Lihhashi labuta inja, "Yindzaba nibaleka kangaka?" Inja yatsi, "Angati name. Ngive inkhukhu itsi nayo ayati, logwaja utsi uve intfo letsite iwa esihlahleni kwase kwakala livi litsi: Baleka logwaja baleka!"

Lihhashi lacala kugijima kanye nabo.

Bahlangana nembongolo endleleni. Imbongo yababuta, "Yindzaba nibaleka?" Lihhashi laphandvula latsi, "Mine angati."

"Ngive loku lokukhulunywe yinja lapho itsi, nayo ayati kepha ive lokhu lokukhulunywe yinkhukhu, nayo inkhukhu ayati kepha ive loku lokukhulunywe ngulogwaja lapho logwaja atse uve intfo letsite iwa kwase kuvakala livi litsi: Baleka logwaja baleka!" Ngaloko neMbongolo yacala kugijima nayo.

Bahlangana nenkhomo. Inkhomo yabuta, "Yindzaba nibaleka?" Imbongo yaphendvula, "Nami angati."

"Ngisandza kuva nge Lihhashi loku lelitsi nalo alikwati nalo live ngenja nayo lengati lutfo nayo. Inja yona ive ngenkhukhu nayo lengati lutfo yona leve ngalogwaja lotse uve intfo letsite iwa esihlahleni kwavakala nelivi litsi: Baleka logwaja baleka!" Inkhomo beyikhatsatekile nayo yacala kugijima.

Letilwane tase tihlanga nelikati, lase liyababuta, "Yindzaba nibaleke?" Inkhomo yaphendvula, "Mine angati."

Ngisandza kuva loku lokukhulunywe yimbongolo nayo lengati lutfo, nayo ive ngelihhashi nalo lelingati lutfo, nalo live lokukhulunywe yinja, nayo lengati lutfo yona ive lokukhulunywe inkhukhu, nayo lengati lutfo naye ive loku lokuvela kulogwaja lotsi naye akati lutfo kepha uve intfo iwa kwase kwevakala livi litsi: Baleka logwaja baleka!

Ne likati lacala lagijima kanye naletinye tilwane.

Base bahlangana nemfana atiihambela ngebhayisikili yakhe wase wabuta, "Yindzaba nibaleka?" Tilwane ngekuhlanganyela taphendula tatsi, "Asati. Sive loku logwaja logwaja latsi akakakuva. Utsi uve intfo letsite iwa kwase kuvakala livi litsi: Baleka logwaja baleka!"

Umfana wavele wafa insini wavakala sekatsi, "Li apula leliwe esihlahleni ngobe bekunemoya. Ngimi lengitse: Baleka logwaja baleka!"