Yino nje Manyatta. Nj'amago gange. Gali mu Saza lye Turkana.

Yino kamelo. Mu Saza lye Turkana abaatu babaya e byeyo byengeri nyingi. Aye ekamelo nj'esiinga omuganyulo.

Bano nj' abasomesa baange., Nenda ohutiina hu somero.

Esomero lyange balilanga baati Lolupe Primary School. Neenda bugali weene omusomesa wange owa art.

Yino meeri. E meeri jiba mbala. Jitambisiwa ohugeesa abaatu ne by'amagusi hu maaji. Singa tiina e Mombasa, nja huwona emeeri.

Hino hitanda. Neenda ehitanda ehi bbaabba gaholeye. Huŋenyuhaho ni muganda yange.

Yino dwaya. Engo huli ne dwaya ebiri. Nindi huli ne ngoho nyingi ejiteera amaagi ameene amangi.

Guno gubeba. Agabeba gasolo gabi. Galya emere. Galumaluma engoye Galeeta n'obulwaye.

Yino mbwa. Embwa solo jomu mago. Embwa yeefe bayilaanga baati Daa. Esama bugali weene.

Yino tamusiya. Abasaaye baange bali ni tamusiya embala.

Eri namalangi gano erando, bululu, kapapali ni nalutu. Efula enaba negwa hutambisa huta doola.

Ndi mu hy'ohubiri nindi manyire ebiitu bingi.

Nenda ohumanya ebyeene ebingi. Ebitamanyire, mbusaho abasaye bange oba omusomesa wange.